Semilan kes positif baru dirikod sehari tu

KUCHING: Sarawak ngerikod semilan kes baru sehari tu, enam ba Pelilih Sibu, dua di Kuching enggau siti kes ba Sri Aman ngujungka kes positif nambah ngagai 1,084 kes.

Sekretariat Komiti Penyangga Penusah Nengeri Sarawak (JPBNS) madahka naka tu, semina siti kluster agi ngerekai ba Sarawak iya nya Kluster Besi, Kuching.

Bisi 19 iku agi diperubat ba wad isolasyen ke alai 12 kes ba Sepital Besai Sarawak, enam kes ba Sepital Sibu enggau siti kes ba Sepital Bintulu.

Sehari tu mega Pelilih Sibu bebali status ari gadung ngagai kuning pengudah ngeripot siti kes berampit dalam menua.

Suara Sarawak