Sempekat Komersial Perintah S’wak – Petronas nyerungkai mayuh peluang dagang minyak enggau gis

KUCHING: Sempekat Komersial disain entara Perintah Sarawak enggau Petroliam Nasional Berhad (Petronas) di Kuala Lumpur kemari deka nyerungkai peluang baru industri minyak enggau gis ba Sarawak.

Menteri Besai Tan Sri Muhyiddin Yassin madahka sempekat nya deka ngeranchakka agi pemansang dalam industri bekaul.

Ku iya, kitai ulih nyerungkai mayuh agi peluang dagang sereta ngemujurka pemansang industri minyak enggau gis meruan agi.

“Nya alai, aku setujuka pekara tu lalu sempekat komersial tu deka mutarka penanggul bekaul atur pemansut minyak enggau gis ba Sarawak.

“Tu nyengkaum penemu bekaul enggau chukai jual petroleum ba Sarawak ti dipesetuju sebedau tu.

“Nambahka nya, Perintah Sarawak mega ulih ngerembaika agi asil chukai dikena bejalaika bemacham projek pemansang ke pemaik semua rayat,” ku iya ba sebengkah penerang, ditu tadi.

Berita penuh Ruai 1 pagila.