ARTIKEL

Sepital Medan Miri tembu Februari 2024

Facebook
Twitter
LinkedIn
WhatsApp
Telegram

MIRI: Sepital Medan Miri dipelaba tembu ujung bulan Februari 2024.

Ku Menteri Pengangkut Sarawak, Datuk Seri Lee Kim Shin, projek nya asil kerejasama Perintah Sarawak enggau Komiti Penyangga Penusah Nengeri Sarawak (JPBNS) ngambi ngaga sepital medan ti disikap 100 buah katil.

Ku iya, projek beungkus RM2.5 juta ti dipelanja Perintah Nengeri nya mungkur pengawa ngaga struktur Sepital Medan, arung endur bedarat ti beperabung, agu enggau mega kereja bekaul elektrikal sereta mekanikal.

“Projek nya belabuh dipejalai kena bulan November 2022 lalu ditaga tembu kena bulan Februari 2023 tang laun ari timpuh ti ditaga ketegal penanggul ngudar kabel.

“Aku mega udah minta raban Opis Kereja Raya (JKR) enggau Opis Residen Bagi Menua Miri, kunteriktor bekaul, Sepital Miri sereta mega ejensi bekaul ngambi ngatur aum dikena bejuraika semua penanggul ti ayan lalu ngarap projek tu ulih tembu enggau lanchar ba ujung Februari 2024,” ku iya.

Kim Shin nyebut pekara nya lebuh ngabas seraya gawa ngagai taba projek Sepital Medan Miri, ditu ensanus.

Siti agi tuju Sepital Medan Miri digaga dikena mutarka penanggul Sepital Besai Miri sekut kelebih agi ari sukut nyendia palan tambah sereta nambah penyampau katil dikena pesakit penyakit berampit ti balat, sekali ke pesakit ba Unit Sakit Raya (ICU) tauka ukai ICU.

“Sepital Medan sebedau tu ditumbuh baruh JPBNS ungkup pesakit COVID-19.

“Taja pia, enti nadai kes COVID-19, sida ulih mega ngena sepital medan nya ungkup pesakit bukai,” ku iya.

LAIN-LAIN BERITA

TYT Sarawak bulih gelar Pehin Sri

KUCHING: Tuai Pemegai Menua (TYT) Nengeri Sarawak, Tun Dr. Wan Junaidi Tuanku Jaafar udah nerima Darjah Utama Yang Amat Mulia Satria Bintang Sarawak (S.B.S) ke

KDJA ngerami 200 pengemeran media malam tadi

KUCHING: Lebih 200 iku pengemeran media dirami nyerumba Pengerami Makai Lemai Taun Baru China Gerempung Pemberita Bagi Menua Kuching (KDJA) malam tadi. Sekeda program bisi

Sistem belanja seikas menua maju

MIRI: Perintah Sarawak benung nungkap pengawa numbuhka sistem belanja ti seikas enggau menua ti udah maju ba rantau tu. Premier Sarawak Datuk Patinggi Tan Sri

Dua ruang bilik kurang penatai pemisi dibantu

MIRI: Komuniti Mit Ngintu Pengelantang, Pengerai enggau Komuniti Bulan Sabit Merah Malaysia (MRC) Pampang Miri udah ngabas dua buah ruang bilik ti kurang penatai pemisi

BERITA TERBARU

Kuarters lama JKR terbakar

SIMANGGANG: Sebuah kuarters lama Jabatan Kerja Raya (JKR) yang tidak berpenghuni terbakar awal pagi tadi. Ketua Bomba dan Penyelamat Zon Tiga (Sri Aman) Muhammad Rais