ARTIKEL

ARAP KITA LIAT ATI… Spencer Musa (dua kanan) nyuaka bantu ngagai Tuai Rumah Rebah (kanan), seraya disempulang 15 iku kaban Serakup Iban ke bukai.

Serakup Iban Batang Igan mantu TR Rebah serumah

Facebook
Twitter
LinkedIn
WhatsApp
Telegram

SIBU: Pengawa betulungka bala ti dituntung penusah endang udah masai ba pengidup kitai raban bansa Iban lalu pengawa ke badas nya disulur kaban Serakup Iban Batang Igan (IBAN).

Nipak ke misyen enggau visyen penumbuh serakup nya, dia sida seraban nadai belampung ati bepupuka tulung enggau nganjung bantu ngagai peranak ke tasah angus empai lama.

AGI SIKAR… Aya Sibat ke sama mantu sida Tuai Rumah Rebah serumah betulung mantai ke barang lebuh penusah nyadi.

Mujan Unju, siku ari kaban Serakup IBAN madah, sida dulu baumka chara nulung sida Tuai Rumah Rebah, di Nanga Tutus, Batang Igan ke udah karam di darat tumu pagi Hari Enam tu tadi.

Ku iya, sida bepupuka tulung dulu entara bala kaban serakup lalu semua duit pupu nya dipegai siku tuai ngatur pengawa nganjung bantu ke udah dipadu bala mayuh.

Nya alai ku iya, sebedau nurun ngesah orang ke tasah, dia sida ke betubuh 15 iku udah selubang penemu bebagi tubuh nitih pengawa ke udah dipaum.

“Sebagi ari bala kami, bisi lima iku betuai ke Tuai Komiti Indu, Annis bebelika barang bantu baka pemakai enggau utai diguna bukai ba sebuah palan bebelika barang.

Baca lain  Palan latih powerlifting deka diseruri

“Entara barang bantu dibeli sida nya baka berau, ai irup dalam butul, ruti enggau pemakai rangkai ke bukai.

“Seraya bala kami ke bukai beranti dulu lalu bisi sekeda nungkus bantu bukai baka gari enggau barang ti diguna mega,” terang iya.

Nyau ngenang penusah ke nuntung sida Tuai Rumah Rebah serumah ku Mujan, siku ari kaban serakup ke benama Sibat dulu ngenataika diri ba endur penusah nyadi.

“Aya Sibat mega bisi enggau orang betulung mantaika barang ke ulih diselamat maya api benung mau nganguska rumah panjai sida pagi nya.

“Perasa meda gamal tudah ke udah tuai tang agi sikar endar lebuh enggau orang bebantaika barang maya nya, iya ga api benung mau makai ramu rumah.

“Nasip endar semua sida ke bisi dia nadai apa nama taja rumah nyau deka angus lengis diempa api. Nadai sapa enda sinu enti betatika penusah ke nuntung sida aya Rebah serumah,” ku iya.

Mujan madah baru, Serakup Iban ngarapka bantu mengga mimit ke diberi nya ulih ngelempungka tating penusah ke ditapi lalu dikearap sida liat ati napi penguji besai nya.

Baca lain  Beri elaun khas ungkup veteran Iban Tracker, Sarawak Renjer

Ba penusah nya, bisi 26 iku peranak ari tujuh ruang bilik lenyau endur diau lalu mayuh reta tengkira nyengkaum keresa lama angus.

Nitih ke penerang tumu diterima ari orang ke meda penusah nya, api dipelaba bepun ari bilik lumur dua, datai ari dapur tauka pelabuh.

Taja pia, nadai penusah bakal tauka bebadi nyawa diripot nyadi lalu semua sida mujur lari ngidupka diri empu enggau ulih nabanka sekeda barang beguna bukai.

BERITA LAIN

Premier betemu anak Sarawak di England

LEEDS: Premier Sarawak, Datuk Patinggi Tan Sri Abang Johari Tun Openg udah betemu enggau 20 anak Sarawak ti belajar di England serimbai Hari Raya Aidilfitri.

BERITA TERBARU

Restoran Chef Arnold dikritik

CEF selebriti Indonesia, Chef Arnold, 35, mengakui kesal apabila restorannya dikecam oleh pengulas makanan, Codeblu. Menurutnya, pempengaruh TikTok itu mengunjungi restorannya baru-baru ini. Chef Arnold

Alternatif interpretasi karya sastera

MUZIK dan sastera merupakan dua aliran cabang seni yang sekian lama wujud dalam peradaban manusia. Muzik sebagai gubahan bunyi yang menghasilkan bentuk dan irama yang

Kapal bantuan ke Gaza belayar 24 April ini

ISTANBUL: Freedom Flotilla Coalition (FFC) mengesahkan tiga kapal yang terlibat dalam misi “Break the Siege: Freedom Flotilla Mission to Gaza 2024” memulakan pelayaran pada 24