Serakup Indu Rh Mawan beripai meresi rumah panjai nagang pengerekai Covid-19

SARATOK: Serakup Indu Rumah Mawan, Kawit di Krian ditu ngatur pengawa beripai meresi dalam enggau kandang ngelingi rumah panjai sida.

Sekretari Komiti Pemansang enggau Pengelikun Genturung Pendiau (JKKK), Barau Umak madahka tuju pengawa nya dikena nyaga pemeresi enggau pengerai sida serumah.

Ku iya, pengawa nya dikemeratka sida dikena bejaga enggau nyeliahka sebarang penusah dibai igi penyakit ke tau berampit baka Covid-19.

“Pengawa tu datai ari aum penemu sida ke indu lalu kami meri sukung penuh ngagai perambu sida nya.

“Udah semua setuju, kami lalu beripai meresi dalam enggau muakka lemai enggau malam hari kena Hari Enam nyin tadi ke alai pengawa berebak dipejalai ba luar rumah, ruai enggau dalam bilik.

“Lantang ati mega peneguh kaul serakup kami serumah ti nadai nejuka pangan diri ngereja pengawa, bela betulung dataika pengawa lanchar,” ku iya lebuh dirandau Suara Sarawak.

Berita penuh Ruai 7 pagila.