ARTIKEL

Seruran begempung nyapai siti tuju

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

TUSUN 3

Agi ngenang baru senentang pengerindu Leo ba pengawa tanda asal nya endang berengkah dikembuan iya rambau besekula ba SMK Taman Tunku suba.

Nya alai, ketegal ngembuan pengerindu besai ba pengawa nya dia deh iya chakah ngaul diri ba mayuh aktiviti Kelab Main Asal ba sekula nya enggau bemacham program sekula ti bekaul main asal.

PINTAR NGATUR JAM
Kitai bela nemu pengidup nyadi nembiak sekula chukup enchabar laban kiruh enggau pengawa belajar sereta program sekula.

Ambi ke chunto, muak ke pagi nyentuk tengah hari nya endang jam belajar ba kelas lalu muak ke lemai bisi kelas tambah tauka kelas tusiyen.

CHELAP MATA MEDA… Raban GahRentak Arts & Culture temegah mandangka pekayan asal lelaki Melayu.

Pia mega, pengudah kelas tambah nya bisi aktiviti kelab, unit beuniform tauka gerempung ti dipasuk nembiak lalu muak ke malam bisi kelas belajar malam.

Taja pen langgur pengawa ninting hari Leo chukup pisit tang pengiruh ba pengawa belajar enggau aktiviti sekula enda nekul iya bejalaika minat diri ba pengawa mekuhka pengawa main asal.

“Aku nemu pangku pengawa diri nyadi nembiak sekula lalu ba maya sebaka, aku patut magi awak diri dikena belatih tanda tauka ajat asal pupu bansa.

“Aku enggau bala bakih ti bukai deka magi awak diri muak ke lemai dikena belatih bemacham tanda enggau ajat pupu bansa.

“Enti kami nadai kelas tambah muak ke lemai, kami sebuat deka berengkah belatih ba balai sekula ari pukul 2 nyentuk 5 lemai.

“Tang enti kami bisi kelas tambah muak ke lemai, kami sebuat deka belatih tanda asal pengudah kelas tambah,” terang iya.

Leo madah, sida patut pintar magi awak enggau ngiga peluang dikena belatih tanda asal sereta enda ninggalka pangku pengawa diri nyadi nembiak sekula.

Muak ke malam, sida deka ngaga kereja rumah enggau ngulang baru topik ti udah diajar bala pengajar maya dalam bilik kelas sebedau nindukka diri.

SEMANGAT GAHRENTAK

LIUK TUBUH… Sekeda raban GahRentak Arts & Culture chukup landik ngeliukka tubuh maya betanda.


Diatu, Leo mujur numbuhka GahRentak Arts & Culture iya nya sebengkah raban ti ngemeran tanda enggau ajat main asal pupu bansa ba Sarawak.

Nengah raban nya, Leo mujur ngempung bala penanda ari bemacham pupu bansa enda ngira penempa lalu tebal agi sida nya endang bisi batang pengawa diri enggau bala nembiak palan pelajar tinggi.

“Kaban kami datai ari mayuh penatai tang kami bela bekunsika pengerindu sebaka iya nya mekuhka tanda main asal pupu bansa ba menua tu.

“Pekara tu meh ngasuh kami chukup nyelai laban kami ulih begempung sereta idup beserakup ba baruh perabung GahRentak Arts & Culture.

“Kami bekunsi, belajar enggau meretika minat sebaka lalu tu ngasuh kami ransing deka mandangka tanda asal pupu bansa ngagai mensia mayuh nengah bemacham pengerami enggau program ti diatur,” ku Leo.

Iya madah, taja pen sida kiruh enggau pangku pengawa diri empu tang sida naka ulih nyendia awak diri dikena belatih ngansah pengelandik betanda.

“Siang hari kami kiruh gawa tauka belajar tang muak ke malam kami sebuat deka belatih berengkah pukul 6 lemai nyentuk 7 malam kelebih agi lebuh bisi dikangau ngaga eksibisyen.

BEPENAU… Genap kaban GahRentak Arts & Culture bela ngembuan setipikit betanda ari MSS.

“Taja pen kami kiruh enggau pangku pengawa diri tang aku chukup temegah meda semangat sereta disiplin dikembuan kaban GahRentak Arts & Culture.

“Sida meri kerejasama pemadu manah sekumbang raban tu ditumbuh ba taun 2019 nyentuk diatu kelimpah ransing belajar pekara baru bekaul tanda asal enggau tanda moden tauka kontemporari.

“Aku empu deka datai batang tubuh ngajar enggau matih sida sereta ngambi bagi ba eksibisyen ti diatur,” terang penanda profesional nya.

Leo madahka diri chukup betuah laban bakih iya Peter ti mega siku penanda raban nya chakah mantu iya ngembing kaban GahRentak Arts & Culture.

PAIT MANIS BETANDA
Seagi-agi kitai idup ba dunya injau tu, kitai enda ulih nyeliahka diri ari napi bemacham penguji ti seruran datai besilih.

Baka orang bukai mega, raban GahRentak Arts & Culture bela e…

BERITA LAIN

BERITA TERBARU