Servis bas sekula pechuma ba empat mengeri berengkah April

KUCHING: Kepala Menteri Datuk Patingging Abang Johari Tun Openg madah perintah nengeri deka nyendiaka servis bas sekula enda bebayar ba empat mengeri besai ditu berengkah bulan April ila.

Ku iya, penerang pasal servis bas sekula enda bebayar tu udah tembu lalu begunaka Perintah Sarawak melanja RM4 juta dikena bejalaika inisiatif baru nya.

Iya madah munyi nya lebuh bejadika Program ‘Sarawak Kita Empun’ di Indu Opis Parti Pesaka Bumiputera Bersatu (PBB) Jalai Bako ditu, kemari.

Servis bas sekula enda bebayar nya deka disediaka di Kuching, Sibu, Bintulu enggau Miri nyadi entara insiatif Perintah Sarawak dalam meri pengawa ti adil dalam pemansang rama rayat di nengeri tu.

Suara Sarawak