KUCHING: Perintah Sarawak deka bejadika servis Pampang Bank Mindah Kin Kitu (CBB) Bank Simpanan Nasional (BSN) ti nyendiaka servis bank ungkup penguna ba menua ulu kelebih agi di Pelilih Sungai Asap enggau Sebauh ti diuan urung 36,000 iku mensia.

Tuai Eksekutif BSN, Jay Khairil madah, servis operasyen kaunter nengah CBB BSN dikena ngemuntangka rayat ba menua ulu ke bisi begunaka servis bank.

“Servis nya dipejalaika nguna lori tiga tan ti udah diubah endur engkah sebuah mesin ATM enggau dua kaunter penguna ti ngena terminal POS Ejen Bank (EB).

“Pia mega, CBB BSN mega nyendiaka servis muka akaun enggau kad ATM, deposit tunai, ngambi duit, mindahka duit, meli BSN Sijil Simpanan Premium (BSN SSP) tambah nilai, servis cashless enggau mayar bil,” ku iya nerang, ditu kemari.

Nambahka nya ku Jay, ungkup penerang silik bala penguna ulih meda ba website BSN, www.bsn.com.my.
Kelimpah ari nya, sebarang tanya tau telefon nuju BSN ba lumur 1300-88-1900 nyema bisi tanya pasal CBB BSN tauka pekara bukai.