Servis FPL jampat sereta muntang

MIRI: Penguna tepantup ati enggau servis farmasi pansa lalu (FPL) Sepital Miri laban servis nya jampat enggau ngemuntangka bala penguna ngambi ubat dibanding ba kaunter farmasi.
Siku penguna benama Assan Miew, 61 taun aari Sungai Kuap, Bekenu madahka servis nya muntang agi ari besekut enggau bebaris panjai ngambi ubat ba kaunter farmasi.
“Servis FPL tu entara servis pemadu manah enggau jampat laban aku semina ngambi ubat enggau terus pulai, enda bala ngelama tu nyau nganti urung 15 minit ba kaunter farmasi sepital,” ku iya lebuh dirandau pemberita.
Assan Miew madahka servis nya ukai semina jampat tang mega ulih ngurangka penanggul jalai alun sekut tauka palan paking entukar.
Iya ti deka nurun ke Miri urung pukul 7 pagi laban deka ngambi ubat ngagai sepital penyauh lebih 30 kilometer ngasaika servis nya jampat.
Nangkan nya, FPL Sepital Miri ti didiri semak Sepital Miri beungkus RM150,000 tu asil pemeri komuniti enggau gerempung ukai dikuasa perintah (NGO).
Sapit Direktor Pengerai Opis Pengerai Nengeri Sarawak (Farmasi), Abu Hassan Alshaari Abdul Jabar mega udah matau hari keterubah FPL nya beoperasyen kemari.
Ku iya, inisiatif FPL nyengkaum ba Kuching enggau Sibu nya sebagi ari chara nyaga pengelikun staf enggau pesakit maya pengerekai Covid-19 tu.

Suara Sarawak