KUCHING: Servis kaunter Opis Imigresyen UTC di Kuching, Sibu enggau Miri deka ditangguh berengkah ari 13 nyentuk 26 Januari 2021 tu.
Tu berindik ari pemutus perintah neritka Atur Mindah Betagang (PKP), PKP Belebas (PKP-B) enggau PKP Penyuman (PKP-P) di selampur menua kena 11 Januari tu tadi.
Nitihka penerang ari Unit Perambu Strategik enggau Servis Korporat Opis Imigresyen Malaysia Nengeri Sarawak, Opis Imigresyen ke bukai deka gawa baka selama.
Nya alai, mensia mayuh ke deka ngaduka pengawa bekaul dipinta bekenaka Sistem Janjitemu Online (STO) ba https://sto.imi.gov.my
Sebarang tanya tau telefon nuju lumur 03-88882010 enggau Bilik Operasyen Opis Imigresyen Malaysia Sarawak 082-429437.
Servis imigresyen UTC ditangguh nyentuk 26 Januari
