ARTIKEL

Servis internet meruan meri pemaik

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

MARUDI: Taja diau ba menua pesisir tang siku indu mujur ngulihka penatai pemisi urung RM2,000 sebulan pengudah rentayan internet ba menua sida disambung meruan.

Lim Sie Hui, 31, ari Long Lama madah, servis internet ti lebas nya meri peluang ngagai iya ngaul menua luar taja pen diau ba menua pesisir.

Pengempu Degree Sains Komputer dalam Multimedia ari Universiti Tun Hussein Onn Malaysia (UTHM) ba taun 2017 nya madah, rentayan internet ba menua sida berengkah tegap ba ujung taun siti nyin kemari.

Pekara nya meri pemaik ngagai iya nyapai juluk ati diri nyadi siku pengatur komputer profesional.

“Aku ngemansangka sebuah programmer komputer, website enggau program main nengah tali arus ungkup telefon pintar nitih peminta penguna.

“Aku mega ngemansangka aplikasyen pelajar ungkup bala nembiak palan pelajar tinggi lalu aplikasyen tu nerima timbal manah,” ku iya.

Tandu iya, semua program dikemansangka iya chukup praktikal, muntang ditemu enggau diterima bala nembiak sekula ti ngena aplikasyen nya.

Diatu, Sie Hui benung nampung pelajar ba renggat Master ngambi Kus Multimedia Komputer ba Universiti Putra Malaysia (UPM) Serdang.

Ku iya, rentayan internet ti manah meri pemaik ngagai iya nitih kelas nengah tali arus.

“Sebedau Atur Mindah Betagang (PKP) dipejalaika, aku belajar ba UPM Serdang tang lebuh pulai ke menua pengudah COVID-19, aku pelajar nengah tali arus ari rumah.

“Sepemanjai timpuh belajar tu, aku nadai napi sebarang penanggul ari sukut rentayan internet laban internet ba menua kami ditu majak manah,” ku iya.

BERITA LAIN

BERITA TERBARU

Optimum infrastruktur kuasa hidro negara

KUCHING: Kementerian Peralihan Tenaga dan Transformasi Air (PETRA) berminat untuk bekerjasama dengan Sarawak Energy Berhad, Persatuan Tenaga Hidro Antarabangsa (IHA) dan Perikatan Boleh Diperbaharui Global

Buaya tersangkut pada mata kail di Sebuyau

SEBUYAU: Disangka ikan besar, rupa-rupanya buaya tersangkut pada mata kail yang dipasang penduduk di sungai Kampung Nat di sini, hari ini. Komander Operasi PBKII KUP