Servis kaunter JTS Bintulu diketu dulu nyentuk 3 Februari

BINTULU: Servis kaunter bebayarka pupu Opis Tanah enggau Survey (JTS) Bagi Menua Bintulu diketu dulu.
Nitihka penerang, servis kaunter opis nya diketu berengkah ari Hari Satu, 25 Januari tu nyentuk Hari Rabu, 3 Februari.
Kaunter opis nya deka bejalaika servis baka selama kena Hari Empat, 4 Februari ila.
Semua pengawa bekaul enggau bayar pupu tanah, premium tanah enggau ke bukai tau diadu nengah tali arus ba website e-Lasis enggau Mobile Lasis.
Mensia mayuh diperansang matak (download) Aplikasyen nya ba Google Play tauka Aplication Store ke bisi ba telefon pintar tauka computer sida.
Enti sema bisi sebarang tanya silik pasal servis disediaka opis nya, bala penguna tau telefon ngagai Indu Opis JTS Sarawak ba lumur 082-444111 tauka Opis Ngatur Pekara Tanah, JTS Bintulu (086-318253) tauka email ngagai landsurvey.sarawak.gov.my.

Suara Sarawak