KUCHING: Bisi 460 iku raban bepenau ba pengawa berubat di Sarawak datai ngiri penemu enggau ngulihka penerang bekaul chara berubat beputung enggau anestesia di Kuching.
Menteri Pengerai Malaysia (KKM), Dr Zaliha Mustafa madah, raban pakar berubat bepenau enggau regas deka ngemuntang ke servis ngintu pesakit ti likun enggau bekualiti.
“Apin lama, kami udah ngemanah ke akses ngintu pengawa beputung enggau anestesia ungkup rayat di nengeri tu.
“Kami ngengkah pakar beputung enggau pakar bius di sepital ti mar dilawa baka di Kapit enggau Limbang.
“Nya alai, nengah perambu KKM udah tu ila, raban lutur deka dilatih ngambi kami ulih ngengkah mayuh agi raban beputung enggau anestesia di sepital ti dikelala ba kededua nengeri Sabah enggau Sarawak,” ku iya.
Zaliha nibar jaku nya rambau bejadika Gempuru Beputung Dunya ti Keterubah (The New Dawn) di sebuah hotel tebilang, ditu tadi.
