ARTIKEL

Konsul Malaysia di Pontianak, Azizul Zekri Abd Rahim

Setengah juta perayat Kalimantan Barat nganjung diri berubat ke Sarawak

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

PONTIANAK: Lebih setengah juta rayat Kalimantan Barat dirikod tama ke Sarawak nengah jalai darat taun tu.

Konsul Malaysia di Pontianak, Azizul Zekri Abd Rahim madah, 80 peratus ari sida nya nemuai ke Tanah Kenyalang enggau tuju berubat enggau nyaga pengerai.

Ku iya, tu nunjukka kededua menua bisi kaul ke chukup manah ari sukut dagang temuai.

“Ba taun 2022, kitai nempa pemujur besai nengah program ngelaku dagang temuai empat hari begulai enggau Kaunsil Dagang Temuai Sarawak (STB) di Sarawak.

“Taun nyin tadi, lebih setengah juta perayat Kalimantan Barat udah nemuai ke Sarawak nengah jalai darat enggau 80 peratus ari sida nya nganjung diri berubat enggau nyaga pengerai,” ku iya.

Azizul bejaku munyi nya lebuh berandau enggau Konsulat Jenderal Republik Indonesia (KJRI) di Kuching sereta diligit di Kota Pontianak, malam tadi.

Iya madah, perayat Indonesia milih Sarawak endur berubat enggau nyaga pengerai laban ngira kualiti servis ke disedia.

“Kitai chukup manah ba servis nya, tentu sukut kualiti enda ulih dikeenggai kelimpah kos ke murah agi nengah jalai darat.

“Kelebih agi diatu udah bisi servis bas terus Pontianak-Kuching ke ngemuntangka pejalai kelimpah ejen dagang temuai nyendiaka pengangkut baka van,” ku iya.

BERITA LAIN

Kaul komuniti Dayak meruan teguh

LUNDU: Penyerakup komuniti Dayak diatu chukup teguh taja ari bemacham raban etnik, ku Sapit Premier, Datuk Amar Douglas Uggah Embas. Iya ti temegah beratika pekara

BERITA TERBARU

15 PATI gagal masuk Sarawak

KUCHING: Tentera Darat Malaysia (TDM) berjaya menggagalkan cubaan seramai 15 pendatang asing tanpa izin (PATI) masuk ke Sarawak menggunakan lorong tikus di Sektor Pos GABMA