ARTIKEL

MERI PERANSANG… Dr Lu nyempulang Abdullah, Jack enggau Samuel sama meri peransang ngagai siku bala ke datai meri darah ditu, tadi. | GAMBAR MOHD ALIF NONI

SGH seruran begunaka bekal darah

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Tabung Darah Sepital Besai Sarawak (SGH) begunaka saup orang meri darah nentuka bekal darah dia seruran chukup.

Pegawai Perubat Tabung Darah SGH, Dr Lu Siew Ling madah, bekal darah dia diatu ba tikas ti likun.

Taja pia ku iya, sida agi begunaka saup ari orang meri darah ngambi seruran datai kia meri darah.

“Kitai nemu kantung darah bisi timpuh, nya kebuah kitai begunaka darah digumpul ninting hari, abis nadai bisi ke bekal ngagai pesakit.

“Abis nadai kitai nyendiaka bekal 75 kantung darah sehari, nya alai kitai meseti ngumpul 75 kantung darah dikena nambah bekal darah ke bisi ungkup pesakit,” terang iya.

Dr Lu bejaku munyi nya lebuh nyaut tanya pemberita ba Kimpin Meri Darah diatur Unit Pekara Pengarap Bukai (UNIFOR) enggau Unit Komunikasi Awam Sarawak (UKAS) ba sebuah palan bebelika barang tebilang ditu tadi.

Iya madah, sida mega meri bekal darah ngagai sepital peribit enggau sepital pelilih ke bukai, nya kebuah pengawa meri darah enda tau diketu.

“Kitai enda tau enda nentuka bekal darah seruran chukup ngambi ulih meri bekal ngagai sepital bukai,” terang iya.

Berindik ari nya ku iya, Tabung Darah SGH endang dibuka kena Hari Satu nyentuk Hari Lima ungkup sida ke deka datai meri darah lalu orang nya tau meda taga kimpin meri darah ke diatur maya Hari Minggu ba Facebook sida.

Sama datai meri sukung Sapit Menteri Pekara Koporat, Pemadah enggau UKAS, Datuk Abdullah Saidol, Direktor UNIFOR, Datuk Jack Aman Luat enggau Direktor UKAS, Samuel Simon.

Kimpin meri darah diatur UNIFOR enggau UKAS nya sebagi ari program Tanggungpengawa Sosial Koporat (CSR) nengah kerejasama Tabung Darah SGH enggau Plaza Merdeka Management Sdn Bhd.

Bala ke datai meri darah sehari nya raban pengereja pengawa opis perintah Sarawak, bala kaban Serakup Gerija Sarawak, Gerempung Serakup Kuil Sarawak, Serakup Pemberita Bagi Menua Kuching, Serakup Buddha Malaysia Pampang Sarawak, Pampang Hindu Sangam Sarawak Malaysia, Hotel Pullman Kuching, Serakup Kuil Sikh Sarawak, Gerempung Rohani Baha’i Sarawak, Kuil Sri Maha Mariamman Kuching enggau mensia mayuh.

BERITA LAIN

BERITA TERBARU

Optimum infrastruktur kuasa hidro negara

KUCHING: Kementerian Peralihan Tenaga dan Transformasi Air (PETRA) berminat untuk bekerjasama dengan Sarawak Energy Berhad, Persatuan Tenaga Hidro Antarabangsa (IHA) dan Perikatan Boleh Diperbaharui Global

Buaya tersangkut pada mata kail di Sebuyau

SEBUYAU: Disangka ikan besar, rupa-rupanya buaya tersangkut pada mata kail yang dipasang penduduk di sungai Kampung Nat di sini, hari ini. Komander Operasi PBKII KUP