ARTIKEL

Sikap diri ngisi pengawa puang ti disediaka perintah

Facebook
Twitter
LinkedIn
WhatsApp
Telegram

ROBAN: Pemayuh pengawa puang ti disediaka perintah nengah Pelin Strategi Pemansang Pengudah COVID-19 (PCDS) Perintah Sarawak 2030 patut nyadi peransang ngagai apai indai ngambi ngansak anak sida nempa penyulut ba sekula.

Kaban Kunsil Nengeri (ADUN) Kalaka, Mohamad Duri madah, sida patut terus meri peransang ngagai nembiak nadai ngira sida agi ba besekula tauka udah tembu Sijil Pelajaran Malaysia (SPM) enggau Sijil Tinggi Persekolahan Malaysia (STPM).

Enti agi ba sekula, ku iya, tentuka bala anak tetap bisi semangat ngiga penemu.

“Sida ke udah tembu belajar ba sekula, terus nampung pelajar tinggi agi.

“Laban pengudah nya ila, nengah PCDS Perintah Sarawak 2030 mayuh peluang gawa disedia lalu rebak biak patut nyikap diri sereta ngerebut 200,000 peluang gawa ti disedia,” ku iya.

Mohamad Duri mansutka jaku nya ba Aum Besai Genap Taun Gerempung Apai Indai enggau Pengajar (PIBG) Ke-35 Sekula Sekondari (SMK) Kalaka ba Balai Sri Tebujang, kemari.

Terang iya, apai indai enda tau enda ngemerat enggau beratika pekara nya.

Baca lain  Pemansut gas asli Telok Melano

“Tu peluang pemadu manah ungkup bala anak. PCDS Perintah Sarawak 2030 nyadi pelasar ti beguna amat dikena nempa Sarawak nyadi menua maju.

“Nangkan nya, rayat mega tau ngasai penatai pemisi ti tinggi,” ku iya.

Ku Mohamad Duri, rebak biak meseti ngisi sebarang pengawa puang ti disedia ngambi nyamin pengidup enggau kereja sida empu.

Iya mega ngemeratka pemanah ulah enggau penemu ti mai berekat.

“Kitai suah ninga jaku tu, pemanah ulah dulu baru penemu. Nya meh dilalau bala ulama, tang nama kebuah?

“Laban ari pemanah ulah, kitai muntang bulih penemu. Nya alai aku rindu nyebut enggau nyemetak ngagai bala anak, bebasa ke apai indai enggau pengajar ngambi bulih penemu ti berekat.

“Pia mega ba pengawa belajar, meseti manah ulah dikena ngulih penemu ti berekat.

“Taja pia, aku andal bala anak ba sitak DUN Kalaka kelebih agi udah diajar enggau manah, insya-Allah,” terang iya.

Mohamad Duri mega nyua pemeri PIBG penyampau RM25,000.

Baca lain  Raban APM udah sedia napi penusah bah

Kelimpah ari nya, iya ngerah pasal sekeda projek baruh Program Transformasyen Menua Pesisir (RTP) ti dirintai ungkup taun nyin ila.

Iya mega madah, projek nyeleti padang sekula deka dipejalai taun tu.

Prinsipal SMK Kalaka, Abang Adrus Abang Junidi enggau Yang Dipertua PIBG, Gani Eli mega bisi datai.

BERITA LAIN

Raban KMKK meseti regas gawa

BINTULU: Sida ti dichiri nyadi tuai komuniti enggau tuai raban bansa (KMKK) patut chakah agi bejalaika pangku pengawa sida dikena nentu raban nya ulih ngesan

BERITA TERBARU

Hutan jadi sumber ekonomi utama

KUCHING: Jabatan Hutan Sarawak mengambil satu lagi langkah penting ke arah memperkukuh inisiatif karbon hutan di Sarawak dengan menandatangani Surat Persefahaman (LOU) dengan Universiti Sains