Siku deriba KK Gedong positif Covid-19

KUCHING: Peranak Gedong ti bisi betemu enggau siku deriba Klinik Pengerai (KK) Gedong dalam timpuh ke besemak sebedau tu dipinta beperesa pengerai enggau naka pengelengkas, ku Datuk Mohd Naroden Majais.

Adun Gedong madah deriba nya ditukuka positif Covid-19 kena 21 April tu tadi enggau udah dipasuk ba wad isolasi ba Sepital Besai Sarawak (SGH) kena 24 April tu tadi.

Lebuh dirandau Suara Sarawak, Naroden madahka iya udah dipadahka piak Klinik Pengerai Gedong pasal pekara nya.

Naroden ti mega Menteri Muda Dagang Entarabansa, Industri Terminal enggau Pemansang Orang Dagang nangkan mensia mayuh berumban nganjung diri beperesa enti sema bisi kaul enggau deriba nya.

Ku iya, anang mai bala bukai ngagai pesakit ti datai ngagai klinik ngambi beperesa pengerai.

“Enti ngaga klinik, anang mai mayuh bala enggau anang mai bala anak kitai lalu semina aja dikemendar ngagai klinik.

“Sida ke enggau pesakit ngagai klini, dipinta diau ba kerita aja enggau anang tama ngagai klinik bebala mayuh,” ku iya nangkan mensia mayuh lebuh ke klinik.

Suara Sarawak