ARTIKEL

Siku jaga TADIKA ba Taman Tunku parai dibunuh

Facebook
Twitter
LinkedIn
WhatsApp
Telegram

MIRI: Siku jaga ba sebuah Palan Nyeridi Nembiak Mit (TADIKA) ba Taman Tunku ditu sehari tu ditemu midang sereta dipelaba dibunuh.

Tuai Polis Pleilih Miri, Asisten Komisioner Alexson Naga Chabu madah, raban sida nerima ripot bekaul penusah nya urung pukul 9.30 pagi.

“Raban polis udah nerima ripot ari mensia mayuh bekaul siku lelaki ti ditemu tegali ba mua langkau jaga sereta enda ngeleda.

“Berebak enggau nya, seraban polis ari Unit Pansik Penyalah Pelilih (BSJD) Miri digerah ngabas palan penusah nya.

“Asil ari pengawa meresa ba sitak nya tetemuka siku lelaki tegali ba lantai lalu bisi sekeda abi ditusuk ngena senyata tajam ditemu ba mua enggau rekung niang.

“Pengudah diperesa, niang dikenuku bebadi nyawa ba palan penusah nya empu,” ku iya ba sebengkah penerang sehari tu.

Ku iya, berebak enggau penusah nya, BSJD Miri udah ngetan siku lelaki peranak menua tu dikena mantu pengawa bejalaika pansik.

Kes nya dikategori nyadi kes bunuh sereta dipansik ba baruh Seksyen 302 Kanun Keseksaan.

Alexson ngelalau mensia mayuh ngambi enda ngaga sebarang peragam bekaul kes nya laban nya dipelaba ulih ngeruga pengawa mansik ti benung dipejalai.

Taja pia, ku iya, orang ti bisi ngembuan penerang bekaul kes nya dipinta datai ke balai ti semak dikena mantu pansik tauka betelefon terus ngagai ASP Dorairajah ba lumur 085-433730.

LAIN-LAIN BERITA

Sarawak ngulit dua hari

KUCHING: Perintah Sarawak ngemendarka timpuh ngulit selampur nengeri pengelama dua hari, belabuh sehari tu enggau pagila. Nambah ke nya, tambai mega digitang tengan tiang aja

TYT berami enggau YAST Group

KUCHING: Tuai Pemegai Menua (TYT) Sarawak, Tun Wan Junaidi Tuanku Jaafar enggau bini iya, Toh Puan Fauziah Mohd Sanusi udah ngulu Pengerami Makai Lemai Taun

BERITA TERBARU

Suasana hiba di kediaman Tun Taib

KUCHING: Suasana hiba dan sayu menyelubungi persekitaran kediaman Allahyarham Tun Pehin Sri Abdul Taib Mahmud, petang ini. Keadaan cuaca mendung turut seakan-akan turut berduka dengan