Siku lelaki ditemu mati dalam pub di Tabuan Tranquility

KUCHING: Siku lelaki beumur 26 taun ditemu mati ba sebuah palan pemerindang ngerimbai Tabuan Tranquility, Jalai Canna, pagi kemari.

Ketuai Polis Pelilih ACP Awang Din Awang Gani maya dirandau ngenukuka piak sida bisi nerima ripot ari mensia mayuh pasal bangkai ke ditemu ba premis nya.

Kenu ku iya, lelaki ke udah nadai nya benama Sii Ahui Wei asal ari Sibu.

“Lelaki nya dikenuku pemesai opis pengerai Sepital Besai Sarawak (HUS) udah mutus seput.

“Sida Sii sebilik madahka, iya endang bisi ngembuan sebengkah penyakit,” ku iya maya dirandau kemari.

Tandu iya, polis udah meresa palan pemerindang nya lalu nadai tetemuka sebarang bekau malui tauka bakal ba tubuh lelaki nya.

Iya madah, bangkai lelaki nya dibai HUS ngambika dipansik Opis Forensik HUS lalu kes diketegorika mati ngenyit.