Siku lelaki lenyau tagup jagu ba Kuala Oya

MUKAH: Siku lelaki dipelaba tagup jagu lebuh nurun ngiga undang ba Sungai Kampung Kuala Oya ditu, dini hari tadi.

Penusah Alibaba Dahri, 52 taun, ari Kampung Bom Oya nya dipelaba nyadi urung pukul 1 dini hari.

Aka iya, Kartina Dahri, 53 taun, madahka penusah nya ditemu sida ke sama nurun berikan ke semak endur penusah nyadi.

Alibaba dipelaba kediri aja lebuh nya seraya bala bukai berikan enda jauh ari nya bisi ninga iya manjung minta sah.

“Sida udah nya berumban ngesah tudah Alibaba tang iya lenyau nadai ditemu.

“Perau Alibaba mega nyau abis terumpang dipelaba kena sipat iku jagu ke nagup iya nya,” ku Kartina lebuh dirandau Suara Sarawak.

Suara Sarawak