BETONG: Siku anak menarat mujur ditangkap raban Penyaga Orang Periman (APM) PUPA Spaoh pengudah tama ngagai Balai Polis Spaoh ditu kemari.
Penerang ari Bilik Ngatur Operasyen MER’S APM PUPA Spaoh madahka sida nerima kangau telefon ari Kaporal Mahatdir bin Mohamad urung pukul 12 tengah hari bekaul enggau penusah nya.
Komander Operasyen nangkap bayak nya, Sjn (PA) Kamarrul bin Badarudin ke disempulang L/Kpl (PA) Maimunah binti Masuni madahka raban polis ba Balai Polis Spaoh minta saup sida nangkap menarat nya.
“Lebuh datai ba palan penusah nya urung pukul 12.07 tengah hari endang amat bisi siku menarat tama opis polis ditu.
“Menarat nya mujur ditangkap kami ngena panjuk lalu dilepaska ba babas enda jauh ari endur tu,” ku penerang ari Kamarrul.
Kamarrul mega madahka operasyen nangkap menarat nya diketuka urung pukul 12.11 tengah hari lalu nadai orang diripotka bakal ba batang tubuh tegal penusah nya.
