LIMBANG: Siku nembiak lelaki peranak menua Brunei diripot lenyau kenyau ari kemari pengudah dipeda pansut ke kampung ba ujung bilik sida ba Kampung Berawan.
Nitihka penerang, Mohd. Alizam Ali Safari, 14 taun, dipeda bejalai nuju ke dalam kampung urung 9 pagi pemuas ke nadai pengawa diau ba rumah.
Indai iya, Rohaina Garip madah, anak iya madahka diri deka ke kampung pagi tadi.
Iya madah, anak iya nyau puas nadai pengawa diau ba rumah ngujungka iya deka bejalai ke kampung ba belakang rumah sida.
Nambahka nya, Penulung Direktor Unit Operasyn Bomba enggau Penyah Penusah Sarawak(JBPNS) Tiong Ling Hii madah, sida nerima ripot nya pukul 8.50 malam enggau ngasuh seraban bomba ari bagi menua Limbang ngesah endur nembiak nya diripot lenyau.
“Raban nyidi enggau nyelamat (SARS) udah bejalaika operasyen nyidi iya pukul 8.18 pagi.
“Raban SAR dibagi ngagai 4 tim ke alai sida deka ngiga nembiak nya ngelingi bukit nya,” terang iya.
Pengawa nyidi mega disaup Ejensi Raban Penyaga Orang Periman (APM), Polis enggau peranak ba genturung pendiau nya.
