Simanggang terus dikemansang

SIMANGGANG: Sitak Simanggang deka terus dikemansangka perintah nengeri nengah pengawa ngemujurka beberapa projek rayat.

Kepala Menteri Datuk Patinggi Abang Johari Tun Openg madah dikena ngemujur juluk nya perintah udah setuju ngangkatka baru nama Simanggang dikena nela pasar Simanggang lalu nama bagi menua Sri Aman agi mengkang baka selama.

“Taba Tebing Sungai (Palan Pengerami Benak) deka ditangkir panjai agi berimbai enggau tepikong.

“Sehari tu (kemari) mega kitai ngemasukka dalam Langgur Pemansang Malaysia Lumpar Ke-12 iya nya projek ngaga benteng dikena nyaga Kampung Hulu enggau Kpg Hilir ditu ari terus tumpur dipangka benak.

“Projek tu sebaka enggau projek ke udah di Kpg Lintang enggau Kpg Bintangor di Kuching,” ku iya seraya madah projek tu deka berengkah taun 2020.

Iya madah munyi nya ngagai pemberita pengudah bejadika Pengawa Nasih Tanah Projek Rayat Ngemanahka Tebing Sungai (Palan Pengerami Benak) Sri Aman, lemai tadi.

Suara Sarawak