Singkilung Ular Tedung album baru KMP

Kaban Music Production (KMP) terus chakah nyaup ngangkatka rebak baru ti ngembuan pengelandik belagu. Pengawa manah tu endang ke pemaik industri lagu Iban awakka terus richah nengah penatai sebuah album Kompilasyen Sengkilung Ular Tedung.

Album Sengkilung Ular Tedung tu mujur dikeluarka kena 22 Disember 2020 lalu ngundan bemacham rentak lagu.

Entara penanyi ngemujurka album kompilasyen tu iya nya Darrel (Sengkilung Ular Tedung/Anang Berupai),Francez Dana (Pengerindu Teberunsai)Johnny Chen (Sakang Pengerindu/Lubuk Nemu Bebali) enggau Ibin Megong mai lagu Selambar Penyayau.

“Semua lagu dalam album tu dipelaba ‘Hit’ magang laban genap lagu dalam album tu ngembuan jalai cherita ti bebida.

“Nama lagu Sengkilung Ular Tedung dipilih nyadi nama besai ungkup album tu laban diperati bisi penyelai dibanding ke bukai lalu bisi kelai kediri empu,”ku terang kaban KMP Jesley Jabu ngagai Suara Sarawak, apin lama ke udah.

Album tu mega asil keranjai jari ari Cecelia Leja ti nyadi penulis semua leka lagu dalam album tu kelimpah disaup bala bukai nyengkaum ari Jesley empu, Matthius Mambang enggau Pengatur Muzik Cami Tan ari Studio Works.

Jumpbull Murdoc mega bisi bekau jari ba lagu Pengerindu Teberunsai disadaka penanyi penatai asal ari Betong, Francez Dana.

Dikena nagang ulah chelak tiru, album tu nadai dijual sebelah kedai muzik tang semina ulih dibeli terus ari bala penanyi ba album tu empu.

JOHN CHEN

 

IBIN MEGONG

 

FRANCIS DANA

Suara Sarawak