ARTIKEL

NERANG... Sagah (tengah) nerang pasal langgur sistem peresa khas deka ngemanahka pelajar ba Sarawak.

Sistem peresa khas deka ngemanah sistem pelajar Sarawak

Facebook
Twitter
LinkedIn
WhatsApp
Telegram

KUCHING: Sarawak tetap neruska tungkap numbuhka sistem peresa khas ungkup nembiak Primari Enam ba semua sekula.

Menteri Pelajar, Inovasyen enggau Pemansang Penau Sarawak, Datuk Seri Roland Sagah Wee Inn madah, sistem peresa khas nya bebida enggau Ujian Penilaian Sekolah Rendah (UPSR).

Ku iya, sistem nya mega enda besibil enggau polisi perintah besai, semina siti chara ngemanah sistem pelajar ba Sarawak aja.

“Kebuah kitai (opis menteri) minta mayuh agi otonomi (pelajar), sida tau ngumbai pekara tu ungkup ngatur pengawa tang kebendar, kami deka ngereja pengawa pemadu manah ungkup rayat Sarawak.

“Engka bisi entara sida (ba renggat perintah besai) enggai bekerejasama enggau kami, tang kami mai sida sama berunding chara positif laban tu enda besibil enggau polisi perintah besai,” ku iya.

Sagah bejaku munyi nya ngagai pemberita pengudah aum pemberita pasal Pekit Debat Ngena Jaku Melayu enggau Jaku English Trofi Premier Sarawak ba Begunan LCDA, ditu kemari.

Enda madah nyemetak kemaya pengawa nya deka dipejalai, iya madahka peresa ti deka dipejalai nya deka ngena agih belanja ari Perintah Sarawak empu.

Iya mega pechayaka sistem nya deka meri peragam ti nyemetak agi pasal tikas pengelandik enggau pengulih nembiak kelebih agi konteks pemansang ekonomi ti nyelinting Sains, Teknologi, Injiniring enggau Matematik (STEM) enggau Pelajar Vokasional enggau Latih Teknikal (TVET).

LAIN-LAIN BERITA

BERITA TERBARU