Siti agi kluster baru ditemu, Kluster Icom di Kuching

KUCHING: Opis Pengerai Nengeri Sarawak (JKNS) udah ngenukuka kluster baru iya nya Kluster Icom di Kuching.
Kluster Icom nya ngaul penyereta ti kena rampit lebuh ngulu pengerami makai malam ba sebuah restoran di City One, udah nya ngagai sebuah bistro di Jalai Song, Kuching kena 13 April tu tadi.

Kes mega kala betemu enggau pengelicha datai ari luar Sarawak kena 14 April tu tadi. Pengudah pansik silik, penyereta ti ngulu pengerami makai malam nya ditemu gawa ba ejensi penyanding penemu pengatur keresa tanah di Icom Square, Jalai Pending, Kuching.

Indeks kes ngagai kluster tu iya nya kes ke-23,951 ngaul siku lelaki peranak menua beumur 20 taun ditemu positif lebuh beperesa orang ti bsii kelai ba sebuah sepital peribit ba Kuching kena 18 April tu tadi.

Pelilih Lundu udah mali ngagai status kuning pengudah ngerikod siti kes berampit dalam menua ba timpuh 14 hari ke udah.

Pia mega, Pelilih Pakan udah mali status oren pengudah ngerikod 26 kes berampit dalam menua ba timpuh 14 hari ke udah.

Bisi 474 kes baru positif Covid-19 ditemu sehari tu ngujungka kes nambah ngagai 26,032 kes.

Tu nyengkaum 103 kes di Bintulu, 84 kes di Sibu, 46 kes di Miri, bela 35 kes di Kuching enggau Song, 34 kes di Kapit, 27 kes di Mukah, 24 kes di Serian, 13 kes di Saratok, bela 11 kes di Pakan enggau Tanjung Manis enggau 10 kes di Kanowit.

Nambahka nya, lapan kes di Sarikei, enam kes di Selangau, empat kes di Bukit Mabong, tiga kes di Sebauh, Betong, Beluru enggau Samarahan, dua kes di Bau sereta siti kes di Meradong, Dalat, Julau, Marudi, Limbang, Asajaya enggau Lundu.

Sehari tu mega bisi siti kes pemati baru bisi diripotka.

Suara Sarawak