ARTIKEL

Siti kes pemati, 132 kes baru positif

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Sarawak ngerikod siti kes pemati tadi ngujungka kes pemati nambah ngagai 22 kes.
Chairman Komiti Penyangga Penusah Nengeri Sarawak (JPBNS), Datuk Amar Douglas Uggah Embas madahka kes pemati ke-22 nya kes ke-2,546 iya nya siku lelaki peranak menua beumur 51 taun.
Ku Uggah, lelaki nya dipasuk ngagai Sepital Miri kena 18 Januari tu tadi laban pedis enseput lebuh beperesa ngagai Klinik Nephron ba hari ke sama.
Ku iya, kes nya parai pukul 4.50 lemai kena 20 Januari tu tadi enggau ditemu positif Covid-19 ba hari ti sama.
“Iya beperesa Covid-19 kena 18 Januari tu tadi lalu lelaki nya bisi sakit buah punggung lalu mesti betuchi buah punggung,” ku iya nerang, ditu kemari.
Uggah ti mega Sapit Kepala Menteri madahka Sarawak ngerikod 132 kes baru positif Covid-19 ngujungka kes positif nambah ngagai 2,702 kes.
Berebak enggau nya ku iya, Sibu ngerikod kes pemadu tinggi iya nya 62 kes ditangkan 46 kes di Kanowit, 12 kes di Bintulu, lima kes di Miri, tiga di Kuching sereta bela siti kes di Dalat, Lubok Antu, Serian enggau Selangau.
“Pia mega, 42 kes diripotka ba Kanowit nya ari Kluster Pasai,” ku Uggah nerang.

BERITA LAIN

BERITA TERBARU

Projek naik taraf lima jalan di Meradong siap

BINTANGOR: Penduduk lima penempatan di Meradong kini menikmati kemudahan yang lebih selesa apabila pelaksanaan lima Projek Mesra Rakyat (PMR) membabitkan kerja baik pulih jalan raya