KUCHING: Opis Pengerai Nengeri Sarawak (JPNS) netapka siti kluster baru iya nya Kluster Greenhill ba Pelilih Kuching.
Bisi 25 iku nyengkaum indeks kes ke-798 ti ditetapka positif Covid-19 kena 26 Oktober tu tadi.
Bisi 45 iku kaul kes udah diperesa ke alai tiga iku ditemu positif Covid-19 kena 27 Oktober tu tadi lalu 15 iku ditemu positif Covid-19 sehari tu seraya kes nya kaul ti bisi sejarah ngulu sekeda genpuru ba Pelilih Kuching.
Pansik silik enggau pengawa nyidi kaul kluster tu benung chakah dipejalaika JPNS enggau kerejasama ejensi dipegai Komiti Penyangga Penusah Ngenyit Nengeri Sarawak (JPBNS) ngambi munaska pengerekai Covid-19.
Sehari tu, Sarawak ngerikod 27 kes baru positif Covid-19 ba Sarawak ke alai 20 kes ditemu ba Kuching, empat kes ba Pelilih Miri, dua kes ba Pelilih Sibu enggau siti kes ba Pelilih Bintulu ngujungka kes nambah 846 kes.
Komiti Penyangga Penusah Ngenyit Nengeri (JPBN) Sarawak madahka 14 kes baru nya kaul ngagai kes ke-798 ti diripotka kena 26 Oktober tu tadi enggau beperesa rT-PCR ba sebuah fasiliti pengerai peribit ba Kuching lalu ditemu positif magang kena 27 Oktober tu tadi.
