ARTIKEL

SK Nanga Kota, Pakan deka bisi gelanggang baru

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

PAKAN: Sekula Primari (SK) Nanga Kota deka bisi gelanggang mayuh guna ti baru digaga nengah ungkus belanja RM100,000 nengah geran Projek Transformasyen Menua Pesisir (RTP) bagi taun 2021.

Penyandang Dun Pakan,Tan Sri William Mawan Ikom bisi nemuai lalu ngabas  projek nya sereta bejadika Program Nyerahka Taba Projek Ngaga Baru Gelanggang nya ba SK Nanga Kota empu, ditu kilah ensana.

“Enti udah tembu, gelanggang nya deka ulih dikena mensia mayuh lebih agi ke diau besemak enggau sekula tu kelimpah dikena nanggam kaul enggau pangan diri,” ku Mawan bejaku ba program nya.

Berebak enggau nya, bisi penatai raban lutur terebai ari Opis Menteri Pengerai Malaysia (KKM) meresa pengerai mensia mayuh ba sitak Nanga Kota.

“Aku arapka kita ngemanahka agi endur bala lutur meresa pengerai mensia mayuh ba sitak Kota enggau Pakan ambika pemaik semua kita ke datai beperesa pengerai,”ku iya.

Nangkan ke nya, siku pengajar ari SK Nanga Kota madah diri berasai gaga enggau meri terima kasih ngagai Tan Sri William Mawan laban udah ngemendarka agi belanja dikena ngaga gelanggang mayuh guna nya.

“Gelangang tu chukup beguna dikena raban nembiak ngatur aktiviti sekula sereta endur Gerempung Apai Indai enggau Pengajar (PIBG) ngatur program,” ku pengajar Sylvester.

Sama bisi datai nyempulang pejalai Mawan iya nya Penulung Pegawai Pelilih Dana Ungki ti mega ngarika Pegawai Opis Kereja Raya (JKR) sereta konterektor ti dipadu ngaga gelanggang baru nya.

BERITA LAIN

Pengelanchar kuasa karan sepanjai Sukma dijaga

KUCHING: Opis Menteri Utiliti enggau Telekomunikasyen deka nentu bekal kuasa karan sepanjai Lumba Malaysia (Sukma) XXI 2024 ti deka diatur ba Sarawak lanchar. Sapit Menteri

BERITA TERBARU