ARTIKEL

TANDA BASA… Brown (dua kiba) nyua tepa ngagai Sagah (kanan) kelai masa iya.

SK St Michael deka disikap fasiliti menyana agi

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KOTA SAMARAHAN: Perambu bejalaika projek pemansang di Sekula Primari (SK) St Michael deka diberi perati ti patut ngambi ulih nyendia endur belajar ti menyana agi.

Menteri Pelajar, Inovasyen enggau Pemansang Bakat (MEITD), Datuk Seri Roland Sagah Wee Inn madah, Perintah Sarawak seruran naka ulih ngemanahka agi fasiliti di sekula ti begunaka nya.

“Taja polisi enggau pekara bekaul sekula agi dikuasa Perintah Besai, tang kitai di Sarawak mega sama besaup kelebih agi ba sekula kategori repuk ba nengeri tu,” ku iya.

Sagah nyebut nya lebuh bejaku ba Pengawa Graduasyen enggau Apresiasyen Penyulut Nembiak Sesyen 2023/2024 SK St Michael di Dewan Institut Kemajuan Desa (INFRA) Pampang Sarawak ditu, kemari.

Dulu ari nya, Kepala Pengajar SK St Michael, Brown Sang Lagan madah, sida semina bisi semilan buah bilik kelas lalu pekara nya mega nekul pengawa sida ngatur nembiak.

“Enti nitih pematut, diatu kitai udah bisi 12 bilik kelas lalu tetiap kelas bisi dua iti bilik.

“Tang diatu tikas satu ngaul nembiak primari satu, dua enggau tiga enda ulih dibagi ngagai dua kelas laban bilik kelas enda chukup.

“Enti kitai ulih nyendia dua kelas ungkup tikas satu enggau dua, aku pechaya endur belajar deka lantang agi.

“Nya kebuah, kitai nyau mantaika perambu projek pemansang sekula tu,” ku iya.

Sagah madah ke diri meretika pekara ti nyadi ba sekula nya tang bala iya semina ulih mantu ari sukut agih belanja ba pekara pelajar nyengkaum ngangkat penyulut dalam jaku English sereta Sains, Teknologi, Injiniring enggau Matematik (STEM).

Ku iya, laban sekula nya sekula misyen, bala iya deka mai pekara nya ngagai Unit Pekara Pengarap Bukai (UNIFOR) bekaul enggau bantu ti deka diberi.

“Pekara tu mega deka dipejurai enggau Sapit Premier Sarawak, Datuk Amar Douglas Uggah Embas ke mega menteri ti bisi tanggungpengawa ba UNIFOR,” ku Sagah madah nyemetak.

BERITA LAIN

Sarawak dulu sesingkang mantu rayat

BAU: Perintah Sarawak dipuji laban ngena chara go the extra mile tauka dulu sesingkang ba pengawa meri bantu ngagai rayat di menua tu. Sapit Menteri

Isut mubuk menua Kabo Ulu

ISUT nitih ke jerita, nyadi tuai orang ti muai unak, muai lemetak, muai batang, muai agang di sitak menua Kabo Ulu. Iya tuai orang berimbau,

BERITA TERBARU

Hari Wesak disambut meriah seluruh negara

KUALA LUMPUR: Hari Wesak disambut meriah di seluruh negara dengan ribuan penganut Buddha memenuhi tokong di negeri masing-masing sejak awal pagi ini. Di Kuala Lumpur,