SK Temong nerima insentif RM25,000

KUCHING: Kepala Menteri Datuk Patinggi Abang Johari Tun Openg udah nyuaka insentif RM25,000 ngagai Sekula Primari (SK) Temong, Serian.

Insentif tu kelai ngenang enggau ngaku penyulut dua iku nembiak ti ngemegah nama menua datai ba tikas entarabansa.

Insentif nya disua ngagai Kepala Pengajar SK Temong, Cleveland Raden ba sebengkah pengawa digulu dua iku nembiak nya ba Wisma Bapa Malaysia, ditu kemari.

Ke penerang semua, Filem pandak animasyen ‘Batuh Bijanji’ udah menang anugerah ‘Best Film By Popular Jury’ sempena ‘Festival de Cinema Escola de Alvorada’ (FECEA), di Brazil ba bulan September tu tadi.

Animasyen ngena jaku Bidayuh dikumbai ‘Batuh Bijanji’ nya mai reti batu semaya ditengkebang dua iku Primari Lima ari SK Temong, Serian nya, Macgres Sawet enggau Nabiatul Dania Zulfiqa Mohd Zulfadhli.

Suara Sarawak