Skim Nanam Baru Lada 2021: Anjung peminta kita enggau lengkas

KUCHING: Rayat Sarawak dipinta enda muai peluang ngerejister diri nerima bantu RM2,600 nengah Skim Nanam Baru Lada 2021.

Sapit Menteri Bekebun Dandang Besai enggau Komoditi Malaysia Datuk Willie Mongin madahka bantu skim nya diberi ngena chara insentif.

Ku iya, bala penerima deka nerima paung lada, tiang sukung enggau bantu baja pengelama dua taun.

“Diatu Kaunsil Lada Malaysia (MPB) benung muka peminta Skim Nanam Baru Lada enggau Skim Nanam Lada Tuai ngagai pekebun lada selampur menua.

“Nya alai, aku ngasak semua pekebun lada mit ngerebut peluang tu lalu nganjung peminta kita ngagai opis MPB besemak enggau lengkas,” ku iya.

Willie bejaku munyi nya rambau Program Ngagihka Sengkabung Mua enggau Penuchi Jari Ngagai Kaban Kunsi Industri Lada di Opis MPB ditu tadi.

Suara Sarawak