ARTIKEL

UNGKUP KENANG… Kuong Hiing (duduk, empat kiba) begambar ungkup kenang enggau kaban Gerempung Orang Bumai Pelilih Menua Bintangor ditu, ensanus.

SKSPS nyendia mayuh pemaik ngagai orang gawa kediri nyimpan duit

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

BINTANGOR: Skim Pengelikun Sosial Gawa Kediri (SKSPS) ti dibantai perintah nengah Gerempung Pengelikun Sosial (PERKESO) nyendia peluang ngagai sida ti gawa kediri empu nyimpan duit.

Kaban Kunsil Nengeri (ADUN) Meradong, Datuk Ding Kuong Hiing madah, inisiatif dipejalaika perintah nya dikena nentu raban nya ngasaika pemaik.

Iya madah, nya sebengkah pelasar beguna dikena nyaga pengelikun raban nya ti bela enda tinggal napi penusah aksiden maya gawa.

“Ngarika peranak Meradong ti tebal agi komuniti bekebun, udah tentu aku deka skim nyaga diri enggau ruang bilik ba baruh PERKESO enggau Gerempung Wang Turu Pengereja Pengawa (KWSP) dikerembai.

“Kebuah pia laban raban tu bela napi empas penusah aksiden maya gawa lalu nengah pengawa nyimpan duit tu, sida deka bulih pemaik nyema bisi penusah ti enda disadang nyadi,” ku iya.

Kuong Hiing mansutka jaku nya rambau Program Licha Pemansang Sektor Betanam Betupi Nengah Peminta Duit Simpan PERKESO enggau KWSP ditu, ensanus.

Iya madah, pengawa numbuhka skim nya dikena nyaga sida ti gawa kediri baka ba baruh Akta Keselamatan Sosial Pekerjaan Sendiri 2017.

Baca lain  Ubah bepanggai ba jari pengundi

Inisiatif nya, ku iya, deka dikerembai ngagai sekeda sektor baka sektor ngangkut barang enggau pemakai, betanam betupi, berikan enggau ti bukai.

Nangkan nya, iya madah, pengawa nyimpan duit nya ulih digaga nengah Skim Pengelikun Sosial Gawa Kediri enggau Skim Pengelikun Sosial Orang Gawa Ngintu Ruang Bilik.

Terang iya, skim nya ukai semina nyendia bemacham pemaik tang mungkur pengawa berubat ngagai sida ti nyimpan duit nyengkaum orang ti dijaga sida.

“PERKESO diatu benung chakah ngelakuka skim tu sereta meransang sida ti gawa kediri nyengkaum orang gawa ngintu ruang bilik tauka sida ti tembu belajar, pedagang mit, pekebun enggau orang berikan.

“Nya alai, aku ngelalau sida ti gawa kediri ngena peluang nya enggau manah,” ku iya.

NOTIS TENDER

BERITA LAIN

Sarawak ngembuan mayuh produk dagang temuai

KUCHING: Sarawak sekali agi negapka penuduk nyadi palan program dagang besai ba Eksibisyen Worldwide ungkup Dagang Temuai Insentif, Aum enggau Program (IMEX) Frankfurt ba Jerman

Komiti khas ditumbuh munas penyeranta

KUCHING: Kaban Komiti Khas deka ditumbuh ngambi mantu munas penyeranta ba selampur bagi menua di Sarawak. Menteri Pemansang Indu, Nembiak Mit enggau Pengintu Pengelantang Komuniti,

BERITA TERBARU