ARTIKEL

TABI PUJI… Bala pengajar enggau atlit SMK Engkilili begambar ungkup kenang enggau trofi sereta midul diulih sida ba Pekit Olahraga MSSB Sri Aman 2023

SMK Engkilili champion penuh Pekit Olahraga MSSB Sri Aman 2023

Facebook
Twitter
LinkedIn
WhatsApp
Telegram

SRI AMAN: Sekula Sekondari (SMK) Engkilili mujur ngempu gelar champion penuh Pekit Olahraga Kaunsil Lumba Sekula Bagi Menua (MSSB) Sri Aman 2023 ungkup kategori sekula sekondari ti diatur ba Stadium Lumba Sri Aman kena 21 nyentuk 25 Ogos tu tadi.

Berebak ari penyulut nya, SMK Engkilili mujur ngalahka enam buah sekula sekondari ti bukai ba Bagi Menua Sri Aman nengah 42 midul emas, 33 midul pirak enggau 33 midul engkeraju.

Penuduk kedua dipenggi SMK Lubok Antu ti bulih 29 midul emas, 34 midul pirak enggau 31 midul engkeraju.

Nengah 24 midul emas, 20 midul pirak enggau 24 midul engkeraju mujur ngengkahka SMK Melugu ba penuduk ketiga lalu nya dientudi ke SMK Sri Aman, SMK Simanggang, SMK St Luke enggau SMK Lingga.

Lebih manis lebuh siku atlit SMK Engkilili, Joanna Sangster mujur dipadu ngempu gelar Olahragawati Pekit Olahraga MSSB Sri Aman ungkup taun tu.

Nambahka nya, empat atlit sekula nya mujur dipadu nerima Anugerah Kategori Kediri Pemadu Manah baka Rommy Udin (L15), Abraham Bujaq Dellon (L13), Joanna Sangster (P15) enggau Angelia Carin (P14).

Pia mega, bisi tujuh atlit SMK Engkilili mujur dipilih ngarika Bagi Menua Sri Aman masuk Pekit Olahraga Kaunsil Lumba Sekula (MSS) Nengeri Sarawak.

Nya nyengkaum Francella Nessa Raymond Imin (P13), Gabriel Jason Hamilton (L14), Rommy Udin (L15), Betrand Antolin Boon (L15), Jeremy Aven Noria (L14), Faith Loiza Jara Larry Labong (P15) enggau Joanna Sangster (P15).

Ungkup penerang, nya penyulut kedua ti mujur dijapai SMK Engkilili ba lumba nya pengudah sida mujur menggi gelar champion penuh ba lumba sebaka taun nyin kemari.

Nya alai, Prinsipal SMK Engkilili, Dickson Palot Malintan meri tabi puji ngagai bala atlit sereta pengajar ti ngembing sida ketegal pengeransing enggau kerejasama begulai dikena nyapai penyulut besai nya.

BERITA LAIN

Mangsa tanah runtuh terima bantuan

REPOK: Mangsa-mangsa tanah runtuh di Rumah Jupong dan Rumah Augustine di sini menerima bantuan dan sumbangan khas daripada Timbalan Menteri Sumber Asli dan Kelestarian Alam,

Zii Jia sertai skuad negara ke Piala Thomas 2024

KUALA LUMPUR: Persoalan mengenai penyertaan pemain profesional negara, Lee Zii Jia, dalam skuad Piala Thomas 2024 terjawab hari ini apabila namanya diumumkan dalam barisan pemain

BERITA TERBARU