ARTIKEL

Solar melepung HEP Batang Ai

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

BATANG AI: Projek ladang solar melepung diu Tekat Hidroelektrik (HEP) Batang Ai deka dikerembai, ngena 60 peratus ari 8,500 hektar pemesai tekat ai nya.

Premier Sarawak Datuk Patinggi Tan Sri Abang Johari Tun Openg madah, nya dikena nambahka kapasiti mansut kuasa manggai 2,000 Megawatt (MW) tauka 2 Gigawatt kuasa ngena solar.

Ku iya, diatu renggat keterubah projek nya semina ngena 86 hektar aja, iya nya 2 peratus ari pemesai HEP Batang Ai, enggau kapasiti 50MW.

“Reti iya, udah bisi alai endur kitai meranakka puku di HEP Batang Ai enggau nambah kapasiti mansut kuasa manggai 2,000MW.

“Nya alai tu tentu deka ngasuh Sarawak bisi kuasa gadung urung 2,000 MW ari projek solar HEP Batang Ai aja,” ku iya.

Abang Johari nyebut jaku nya ba aum pemberita pengudah ngabas taba Projek Ladang Solar Melepung Batang Ai ditu kemari.

Sama datai Menteri Utiliti enggau Telekomunikasyen, Datuk Seri Julaihi Narawi enggau Tuai Pegawai Eksekutif Gerup Sarawak Energy, Datuk Sharbini Suhaili.

Berindik ari nya, Abang Johari madah ke Sarawak Energy Berhad (SEB) deka ngaga tungkap pasal perambu nya.

“Ari nya tadi, HEP Batang Ai deka bisi pemansang ari sukut kuasa ke serap iya nya hidro enggau solar,” terang iya.

Nambah ke nya, Abang Johari madah ke projek ladang solar melepung Batang Ai ari SEB benung dipejalai lanchar enggau nyapai 35 peratus tembu lalu disadang tembu Oktober taun tu.

“Pemansut kuasa ari solar melepung tu iya nya 50MW diatu HEP Batang Ai mansut sepenyampau 108MW nengah hidro.

“Reti iya, enti projek tu tembu, dia HEP Batang Ai deka mansutka 158MW kuasa nengah hidro enggau solar.

“Tu mega deka nyadi tekat ai keterubah di Malaysia ti mansutka kuasa nengah hidro enggau solar,” ku iya nyemetak. – NICK FLETCHER

BERITA LAIN

BERITA TERBARU