SOP muka sektor ekonomi bukai agi dialus

KUCHING: Komiti Penyangga Penusah Ngenyit Nengeri Sarawak (JPBNS) benung ngaluska Standard Atur Pengawa (SOP) dikena muka baru operasyen palan ngelantangka ati, kedai guntin buk, gimnasium enggau kedai gambar.

Sapit Kepala Menteri ti mega Chairman JPBNS Datuk Amar Douglas Uggah Embas madahka berindik ari graf kes positif Covid-19 majak nurun di Sarawak, nya alai JPBNS deka ngaluska agi pengawa muka baru palan nya ngambika ulih bejalaika operasyen baka selama.

Taja pia ku iya, semua pekara bekaul enggau nya deka dipadahka ba kandang ke semak tu.

“Kami meretika penanggul sida ti enda ulih bejalaika operasyen sida sekumbang Atur Tagang Pejalai (PKP).

“Nya kebuah kami (JPBNS) benung beratika SOP ti relevan lalu enggau lengkuk kes positif ti majak nurun diatu, mayuh agi sektor ekonomi ke ulih buka,” ku iya madah ba aum pemberita di Begunan Dun Lama ditu tadi.

Suara Sarawak