SOP terit agi ungkup pengereja minyak enggau gis

KUCHING: Kaunsil Pengelikun Menua (MKN) netapka sekeda Atur Standard Pengawa (SOP) ungkup sektor minyak enggau gis.
Tu dikena nentuka pengelikun semua seruran dijaga sekumbang Atur Mindah Betagang (PKP) dipejalai.
“Entara atur nya nyengkaum pengaji mesti nyendiaka protokol pasca PKP serikat ba endur kereja mungkur atur beguna amat ke mesti dititihka semua pengereja.
“Pengaji mega enda tau enda nyendiaka kereban meresa pengangat tubuh ninting hari ba mua pintu.
“Nagang pengereja gawa enti pengangat ngelui 37.5 celcius tauka bisi tanda kena rampit,” ku penerang nya.
Jam gawa baka selama enggau penyampau tubuh nurun gawa ditatak 30 peratus nitihka bansa pengawa ti ditentuka bala pengaji.
Nya alai, jam nurun gawa dipejalai chara berenggat nitihka peminta serikat ngambi takah pengereja ulih dijaga enggau nyeliahka penanggul sekut.
“Serikat mega patut numbuhka Komiti Mutarka Covid-19 ti deka ngaduka pengawa bekaul kes dirampit.
“Ungkus beperesa enggau berubat pengereja ke positif deka ditanggung penuh serikat nya empu,” ku MKN nerang.
Kelimpah ari nya, sanitasyen endur ke ditemu bisi kes tauka kontak semak mega patut dipejalai, abis nadai tiga kali sehari.