BINTULU: Rejister Pengundi Tambah (DPT) Bulan Februari Taun 2022 benung dibuka pengelama 30 hari berengkah 16 Mac nyentuk 14 April tu ila.
Sekretari Komiti Pengawa Bepilih Besai Malaysia (SPR) Dato Indera Ikmalrudin Ishak nengah sebengkah penerang madah, rejister nya diaku kena 15 March lalu digazet kena 16 March.
Kenu ku iya, DPT nya ngundan nama 38,004 iku peranak menua ke beumur 18 taun enggau ke atas dalam timpuh 1 nyentuk 28 Februari 2022 ke direjister otamatik nyadi pengundi baru.
SPR bisi nyendiaka lima chara meresa nama nyadi pengundi iya nya ba Portal SPR https://www.spr.gov.my tauka https://mysprsemak.spr.gov.my, Portal rasmi Opis Pengawa Bepilih Besai Nengeri ba laman web http://ppn.spr.gov.my, enggau ba laman https://myspr.spr.gov.my.
