ARTIKEL

BISI DIKENANG… Ting Chung (dua kiba) begambar enggau bala bukai rambau Aum Ninting Taun STA di Wisma STA tadi.

STA, Ejensi Perintah bekerejasama negap industri kayu ramu

Facebook
Twitter
LinkedIn
WhatsApp
Telegram

KUCHING: Gerempung Kayu Ramu Sarawak (STA) terus chakah ngatur kerejasama rat enggau ejensi perintah ba pengawa ngelaku enggau nyaga rampa menua nentuka dagang kayu ramu di menua tu seruran tegap.

Chairman STA, Datuk Henry Lau Lee Kong madah, pengawa nya ukai ungkup nyukung penumbuh raban bepenau aja, tang dikena nambahka pengelandik pangan diri, sereta ngetanka pengawa ti tegap dudi hari.

“Kaul chakah nambahka kapasiti ari latih enggau aum berkaul Ngurangka Empas Kayu Batang enggau Mulaika Pemanah Rampa Menua begulai Opis Kampung Sarawak (JHS) sereta WWF Malaysia bisi dipejalaika kami.

“STA mega neruska kerejasama ke dulu enggau Kaunsil Pengeraja Asal enggau Rampa Menua (NREB) sepemanjai taun dikena ngemayuhka pengawa ngintu rampa menua ba industri kayu ramu,” ku iya.

Jaku Henry nya dibacha Sekretari Dipebasa STA, Wong Ting Chung rambau Aum Ninting Taun STA di Wisma STA ditu, tadi.

Ku iya, pemujur raban STA ngulihka setipikit ngatur kampung siti pekara ti ngemegahka gerempung sida.

“Diatu bisi 24 unit pengatur kampung enggau tujuh unit pengatur kampung dandang besai udah bulih setipikit nya mungkur tanah pemesai 2.16 juta hektar di baruh Skim Setipikit Kayu Ramu Malaysia.

“Unit pengatur setipikit tu ngadu perambu ti silik agi ngambika kampung ulih dijaga meruan sereta ulih nangkup peminta kayu ramu ungkup jeman diatu enggau jeman ti deka datai,” terang iya.

BERITA LAIN

BERITA TERBARU