ARTIKEL

ABDUL KARIM RAHMAN HAMZAH

Stadium Sarawak deka diseleti meruan dikena napi lumba SEA 2027

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Pengawa nyeleti fasiliti ba Stadium Sarawak deka dipejalai berebak ari nengeri tu deka dipilih nyadi tuai rumah endur ngatur Lumba Asia Tenggara (SEA) ba taun 2027.

Menteri Nembiak, Lumba enggau Pemansang Orang Dagang, Datuk Seri Abdul Karim Rahman Hamzah madah, pengawa nyeleti nya dipejalai genap kali program besai diatur ba nengeri tu.

“Udah tentu kitai deka bejalaika pengawa nyeleti mimit ngagai fasiliti bekaul ti deka dikena ba lumba SEA ila.

“Nya mega deka meri pemaik ngagai industri bekaul nyengkaum sektor berumah enggau ti bukai. Tu siti pekara manah ngagai industri,” ku iya.

Karim mansutka jaku nya rambau dirandau pemberita sebedau Konsert Tribute to Abba & Queen ba Palan Konvensyen Borneo Kuching (BCCK) ditu, malam kemari.

Tampung iya, ba aum ti udah diatur, bisi 18 ari 36 lumba SEA deka diatur ba Sarawak lalu tebal agi lumba nya deka diatur ba Bagi Menua Kuching enggau Kota Samarahan.

“Bagi menua tu dipilih ketegal ngembuan fasiliti lumba ti meruan nyengkaum palan akuatik (nyemerai), Megalanes (bowling) enggau Stadium Sarawak.

“Tu entara palan ti deka dikena ungkup lumba nya ila,” ku iya.

Lebuh nyaut tanya pemberita, Abdul Karim madah, iya udah ngaga aum begulai enggau Menteri Nembiak enggau Lumba, Hannah Yeoh bekaul lumba SEA tu ila.

BERITA LAIN

BERITA TERBARU