ARTIKEL

Stesyen hibrid solar keterubah di Long San

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Stesyen hibrid solar di Long San, Baram nya siti agi chunto inisiatif Perintah sarawak nyendiaka bekal kuasa karan 24 hma ngagai semua komuniti menua pesisir seraya nyapai bekal kuasa karan penuh manggai taun 2025.

Premier Sarawak, Datuk Patinggi Tan Sri Abang Johari Tun Openg madah, inisiatif nya seraris enggau juluk Perintah Sarawak bekunsi pemaik bekal kuasa karan ngagai rayat Sarawak ba smeua menua pesisir, nadai ngira penyauh sida.

“Kami pechaya semua orang bisi hak maju nadai ngira dini alai sida,” ku iya.

Iya mega madah, servis beguna baka fasiliti nyaga pengerai enggai pelajar deka lanchar agi ba sitak menua ulu nya.

Abang Johari nibar jaku nya ba Pengawa Nyerah Stesyen hibrid Solar Long Lasan entara Sarawak Energy Berhad (SEB) enggau Shanghai Electric ditu, kemari.

Berebak enggau nya, Abang Johari madah, Perintah Sarawak deka terus bejalaika inisiatif ngerapit takah entara komuniti menua pesisir enggau mengeri nengah bemacham inisiatif baka Skim Bekal Kuasa Karan Menua Pesisir (Res) enggau Skim Altenatif Bekal Kuasa Karan Sarawak (Sares).

Projek tu udah dipejalai kena Januari 2021 lalu tembu kena April 2022 lalu udah meri pemaik ngagai 104 buah rumah sereta reta tanah bukai nyengkaum gerija, klinik, sekula enggau ke bukai.

Sama datai Menteri Utiliti enggau Telekomunikasyen, Datuk Julaihi, Konsul Jeneral Republik Rayat China ba Kuching, Xing Wei Ping, Presiden Raban Shanghai Electric, Xiao Wei Hua enggau Mandal Presiden Raban Shanghai Electric, Yang Xing Hai.

Stesyen hibrid solar Long San nya ditumbuh nengah agih belanja RM10 juta ari Shanghai Electric dikena bekunsi teknologi enggau mindahka pengelandik teknikal ke Sarawak.

Stesyen hibrid solar Long San nya stesyen hibrid solar keterubah di Sarawak ngena bateri Lithium-Ion pemadu maju.

BERITA LAIN

2,000 belanda seraya ngintu rampa menua

KUCHING: Urung 2,000 penyereta ngulu program belanda pengasih besuluka jaku Run To Save Lives 4.0 ti belabuh ba mua Majlis Bandaraya Kuching Selatan (MBKS), ditu

BERITA TERBARU

Rose Blackpink sertai The Black Label

PENYANYI KOREA, Rose Blackpink menandatangani kontrak pengurusan dengan The Black Label, diketuai oleh penerbit Teddy. “Kami menandatangani kontrak pengurusan dengan artis Rose. “Penerbit Teddy dan

Pentas peragaan sentuhan Syafiq Kay

AKSI, kecekapan dan keanggunan pentas peragaan penting untuk menyerlahkan ratu cantik. Jurulatih pentas peragaan Sarawak, Shafi k Kay menyertai bidang peragaan dan kecantikan ratu cantik