ARTIKEL

UNGKUP KENANG… Anyi (tengah, belakang) begambar kenang enggau bala penerima bantu lada rambau Program Negap Bala Pemekuh Industri Lada ditu, kemari.

STLB siti skim manah dikena negap bala pekebun lada

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

LONG LAMA: Bisi 175 pekebun lada ba bagi menua Miri bulih pemaik ari Skim Bantu Lada Baru (STLB).

Kaban Parlimen Baram, Datuk Anyi Ngau madah, penyampau penuh bantu nengah STLB naka diatu dipelaba manggai RM814,000.

“Sekumbang Langgur Malaysia Lumpar Ke-12 (RMK-12) berengkah dipejalai ba taun 2021 nyentuk April 2024, bisi 175 pekebun lada ba bagi menua Miri nerima pemaik ari STLB enggau pemesai kebun 22.9 hektar.

“Ari penyampau penuh bantu nya, bisi 49 pekebun lada datai ari sitak Mulu enggau Telang Usan ti mungkur kebun sepemesai 5.5 hektar sereta nerima bantu sepenyampau RM210,000,” ku iya.

Anyi mansutka jaku nya rambau Program Negap Raban Pemekuh Industri Lada ba Balai Sekula Primari Bansa China (SJKC) Kee Tee ditu, kemari.

Nangkan nya, ku iya, sepanjai timpuh ari taun 2021 nyentuk April 2024, Kaunsil Lada Malaysia (MPB) bisi matih 787 iku pemekuh industri lada ba bagi menua Miri.

Iya madah, pengawa matih nya nengah Program Pemansang Modal Mensia Pekebun Lada ti diatur berenggat.

“Program tu siti ari inisiatif dikena ngelakuka pengawa nanam lada ngagai selampur menua sereta nyadi pelasar bekunsi penemu ngagai bala pekebun lada dikena ngeranchakka agi pemansang lada menua,” ku iya.

BERITA LAIN

Nempa Sarawak nyadi tibang pemakai

TUSUN KETERUBAH MINAT Reynold anak Jacktola, 29, ti rindu agi dikangau Nol ba pengawa betanam betupi nya endang dikembuan iya ari mit laban iya datai

Tebing Sungai Saratok deka diseleti meruan

SARATOK: Perintah Sarawak deka nyeleti pengkalan ba seberai Pasar Saratok enggau jematan dikena ngelayang Sungai Paon. Kaban Kunsil Nengeri (ADUN) Kalaka, Mohamad Duri madah, sepenyampau

BERITA TERBARU

Tiga lelaki tiba-tiba rebah akibat rokok tercemar

BERLIN, Jerman: Dua lelaki tiba-tiba rebah semalamselepas menghisap rokok yang mengandungi bahan tidak diketahui, lapor agensi berita Jerman (dpa). Rokok berkenaan dipercayai dibeli daripada penjual