ARTIKEL

UTAI KEBENDAR NYADI… Riot (tengah) empu ngabas buding lelaki SMK Tebedu ditu tadi.

Stor barang ukai buding endur nembiak diau

Facebook
Twitter
LinkedIn
WhatsApp
Telegram

TEBEDU: Nadai siku ari pengajar kempang ati ngasuh bala nembiak sida diau ba endur ti enda menyana.

Kaban Parlimen Serian, Datuk Seri Richard Riot Jaem ti ngatur pejalai ngabas Sekula Sekondari (SMK) Tebedu ditu tadi madah, pekara dikerembai ti bedawaka nembiak diau ba buding ti enda diintu meruan, ukai pekara kebendar nya.

Kebendar ku iya, gambar ti dikunsi nya ukai bilik endur bala nembiak diau tang bilik stor endur nyimpan barang.

“SMK Tebedu ngenyit nyadi buah randau mensia mayuh ketegal penerang ti salah tampung.

“Tu bepanggai ba kita, ukai semua raban sekula aja madah pekara ke betul. Gambar ti diambu nya stor, lalu ukai diambi ari endur bala anak diau.

“BA aku empu, aku deka minta menteri (nerangka pekara tu),” ku iya madah ngagai pemberita seraya nambah, nyadi ex-pengajar enggau warden buding, tetiap pengajar enda empelita bejalaika pangku pengawa sida, kelebih agi ba buding.

Sama nyempulang Riot, Sapit Direktor Opis Pelajar Sarawak, Zamzaitul Akmal Hisham Ahmad, Pegawai Pelajar Pelilih Serian, Bunsie Tunton, Prinsipal SMK Tebedu, Albert Dundang, Residen Bagi Menua Serian, Caroline Cleophas Joseph enggau Pegawai Pelilih Tebedu, Joseph Liaw.

Baca lain  Lee Kim Shin ngemendar geran penyampau RM10,000 dikena nyukung projek NSJA

Berebak enggau nya ku iya, orang ti ngerembaika pekara nya enda ibuh dikemana endar.

“Pekara pemadu beguna diatu, kitai nerangka pekara kebendar nyadi, nya alai manah agi kitai ngemanaka pekara tu.

“Ari pejalai tu enggau bala pemberita mega bisi sehari tu mega udah terang mandangka pekara kebendar nyadi,” tandu iya.

Sebedau tu, siku apai nembiak sekula nya mantaika sekeda gambar ke digambar ari skrin enggau jaku pesan nuju Menteri Pelajar, Fadhlina Sidek bekaul gaya pendiau buding lelaki.

Gambar nya mega nunjukka gaya kain selap tilam ke charik kelimpah isi tilam enggau panggal nyau udah kelalu luya.

Nibak ripot berita, lelaki beumur 37 taun nya ngaku diri tekenyit lebuh meda gaya bilik buding diuan dua anak lelaki iya ke ba Pom Satu enggau Pom Tiga.

Ku iya, apai indai dikemendar tama meresa gaya buding lebuh pengawa rejister nembiak.

“Tentu meh aku tekenyit enggau nyima. Enda patut ngasuh nembiak tinduk ba endur baka tu? Tu nyengkaum kipas ke rusak, cheremin pechah enggau ke bukai.

Baca lain  Terima kasih Tun Taib

“Lebuh meda utai baka tu, aku enggau bini endang nganjung tilam baru. Enda kempang meda anak aku tinduk ba utai baka nya,” ku sebana iya.

Taja pia, apai empat anak nya nyemetak madah ke raban sekula enda patut disalah ba pekara nya laban sida udah ngereja pengawa enggau chukup manah.

“Semina lebuh belanja enda chukup sida (sekula) enda ulih ngereja lebih ari nya. Tuju aku ngambi Opis Menteri Pelajar (KPM) enchelak enggau jampat meri bantu,” ku iya nyemetak. – GERRALD GILLES

BERITA LAIN

779 pekebun lada di Serian nerima bantu

MINDY VELARIE CASILYsuarasarawak.sv@gmail.com SERIAN: Sepenyampau 779 pekebun lada di Serian nerima bantu ari Kaunsil Lada Malaysia (MPB). Sapit Menteri Industri Pemakai, Komoditi enggau Pemansang Wilayah

Horimyo puh ngerembai ‘tebori’ Jipun

KELIA di menua Jipun, lebuh tubuh nuan bisi kelingai, nuan deka dikumbai siku orang jai tauka dikumbai orang ‘mafia’. Tang empas ubah jeman ti majak

Bujang Simanggang landik bekelingai

BA Sarawak, pengawa bekelingai chukup tebilang ba komuniti kitai Iban laban nya nyadi kelai ukir bujang berani pengelala bansa. Ari sukut pemanah enggau pengelala diri,

Penyulut 309 nembiak dirami

KUCHING: Sepenyampau 309 nembiak ari Universiti Teknologi Swimburne Kampus Sarawak udah nerima skrol ba pengawa graduasyen keterubah universiti nya, ditu kemari. Pengawa tu udah mujur

BERITA TERBARU

Hina Premier Sarawak, tiga Setiausaha lapor polis

KUCHING: Tiga Setiausaha kepada Premier Sarawak bertindak membuat laporan polis berhubung kes dipercayai menfitnah Premier Sarawak, Datuk Patinggi Tan Sri Abang Johari Tun Openg oleh