KUCHING: Perintah Besai keran ngelempungka tating belanja pengidup rayat, kelimpah berunding ngatur pengulih belanja menua tu empu.
Sapit Menteri Besai, Datuk Seri Fadillah Yusof madah, dikena napi pemar nya, siti ari strategi perintah nya deka meda pelasar subsidi ti ulih diberi ngagai rayat.
“Tu beguna endar ngambi rayat enda kelalu bepanggai ngagai subsidi laban pengawa nya ulih ngeruga pengerembai pekara wang menua.
“Nyema kitai kelalu bepanggai ngagai subsidi aja, penatai pemisi menua kitai nadai tegap tauka meruan,” ku iya.
Fadillah bejaku munyi nya pengudah bejadi Karnival Ngidupka Diri Renggat Nengeri Sarawak ba Balai Hikmah Kuching, ditu tadi.
Nya kebuah ku iya, Perintah Besai begunaka sukung enggau kerejasama rat ari rayat dikena mutarka pemar enggau penanggul tu.
