ARTIKEL

KEREJASAMA RAT… Karim (dua kanan) nyuaka tepa ngagai Aminuddin (kiba) rambau program penemuai basa nya, kemari.

Sukut logistik deka dikemanahka agi ungkup ngatur SUKMA XXI Sarawak 2024

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Perintah Sarawak deka ngemanahka agi sukut logistik ba genap gelanggang ti deka diguna bejalaika Lumba Malaysia (SUKMA) XXI Sarawak 2024.

Nya dikena nentu pekit ti diatur dua kali setaun renggat menua nya ti deka diatur kena 17 nyentuk 24 Ogos tu lanchar.

Menteri Nembiak, Lumba enggau Pemansang Orang Dagang (MYSED) Sarawak, Datuk Seri Abdul Karim Rahman Hamzah madah, penanggul logistik ukai isu besai laban Sarawak disikap ngena jalai alun ti meruan.

Iya madah, Jalai Besai Pan Borneo ti deka tembu ba taun tu deka meri pemaik ngagai bala kontinjen napatka semua gelanggang.

“Pekara ti patut dikemanahka agi iya nya bekaul logistik ngambi penyereta ari nengeri bukai ti datai kitu ulih ngelawa siti palan ngagai palan bukai.

“Tang naka diatu, sambung jalai alun ba Sarawak endang meruan laban Jalai Besai Pan Borneo diatu nyau deka tembu 100 peratus,” ku iya.

Karim mansutka jaku nya rambau aum pemberita pengudah ngetuaika diligit SUKMA enggau Para SUKMA XXI Sarawak 2024 ngatur penemuai basa ngagai Menteri Besai Negeri Sembilan, Datuk Seri Utama Aminuddin Harun ba Bilik Operasyen, Wisma Nengeri, Seremban ditu, kemari.

Iya ti mega Menteri Dagang Temuai, Industri Kreatif enggau Seni Pemerindang (MTCP) Sarawak madah, Sarawak udah nyikap diri ari sukut fasiliti lalu nya manggai ba renggat kepenudi sereta deka tembu enda lama agi.

Ungkup pekara nya, ku iya, Perintah Sarawak nyendia agih belanja RM300 juta dikena nyikap bala atlit, logistik enggau ti bukai.

Ba pekara nya, iya madahka Perintah Sarawak agi nganti subsidi ti deka diberi Perintah Besai dikena mantu ngemujurka pekit SUKMA Ke-21 nya.

Dulu agi ari nya, Aminuddin madahka Perintah Negeri Sembilan deka meri kerejasama penuh ngagai Sarawak ti nyadi tuai rumah ngatur SUKMA Ke-21.

Ba edisyen sekali tu, ku iya, kontinjen Negeri Sembilan deka nganjung 500 atlit lalu deka besatup ba 30 ari 37 pekit lumba ti bisi diatur.

BERITA LAIN

Dua pendam lama di Song disengkubang

SONG: Dua pendam Iban ditu udah disengkubang orang nadai tanggungpengawa ba penusah diripot nyadi kena 20 enggau 22 Mei tu tadi. Tuai Polis Pelilih Song,

Kaul komuniti Dayak meruan teguh

LUNDU: Penyerakup komuniti Dayak diatu chukup teguh taja ari bemacham raban etnik, ku Sapit Premier, Datuk Amar Douglas Uggah Embas. Iya ti temegah beratika pekara

BERITA TERBARU