SUPP Satok bekunsi berekat Krimas enggau raban pedaja

KUCHING: Parti Rayat Se’ati Sarawak (SUPP) Pampang Satok chukup chakah bejalaika pengawa bekunsika pengaga ati ngintu Hari Krismas begulai enggau raban pedaja di Pasar Minggu Kubah Ria, ditu.

Mandal Chairman SUPP Pampang Satok Shankar R.P Asnani madahka sida deka numbuhka semengat ngintu Hari Krismas begulai enggau tiap iku komuniti enda ngira bansa tauka pengarap.

“Kami nguji deka mai tiap iku komuniti enda ngira pengarap laban tu lebih manah ari kitai nguji deka mechahka kaul sida,” ku iya.

Shankar madah munyi nya lebuh dirandau pemberita pengudah nyadung selapuk Krismas enggau beg barang ngagai tiap iku pedaja ditu, pagi tadi.

Nangkan nya ku iya, sida optimis dalam ngelakuka penyerakup rayat pupu bansa enggau pengarap di Sarawak.