ARTIKEL

SUPP udah sedia ngambi pulai tujuh penuduk Parlimen

Facebook
Twitter
LinkedIn
WhatsApp
Telegram

JOM BACA E-PAPER SUARA SARAWAK/ NEW SARAWAK TRIBUNE PERCUMA SEAWAL 2 PAGI SETIAP HARI. KLIK SINI

KUCHING: Parti Sa’ati Rayat Sarawak (SUPP) udah besedia deka ngambi pulai tujuh penuduk parlimen di Sarawak dalam Pengawa Bepilih Besai (PRU-15) ti deka datai.

Tujuh penuduk parlimen tu iya nya Stampin, Bandar Kuching, Serian, Sarikei, Sibu, Lanang enggau Miri.

Presiden SUPP Datuk Seri Prof Sim Kui Hian madahka pekara nya mungkur penuduk Sapit Presiden ti mega Kaban Parlimen Serian Datuk Seri Richard Riot Jaem ti udah besedia ba sitak nya.

“Kuala Lumpur belaya tetiap hari, pekara nya enda ngasuh kitai tekenyit enti PRU-15 diatur taun tu.

“SUPP udah besedia ngambi tujuh penuduk parlimen di Sarawak,” ku iya.

Kui Hian bejaku munyi nya rambau program Bejadika Aum Tiga Taun Sekali SUPP ti dipenyadika Premier Sarawak Datuk Patinggi Tan Sri Abang Johari Tun Openg di Indu Opis SUPP ditu, kemari.

Iya ti mega Sapit Premier Sarawak madahka diri berasai gaga laban ‘baju kuning’ agi dikeandal meri perati ngagai rayat, gawa bebendar, pintar gawa, ngemaruhka diri lalu begulai enggau Premier Sarawak napi PRU-15 ungkup Sempekat Malaysia 1963 (MA63).

Ku iya, PRU-15 amat beguna ngagai Sarawak dalam pengawa minta pulai hak menua tu ke alai pengujung iya pekara tu ditulis ba atas keretas dalam Konstitusyen Malaysia dibaruh pegai Abang Johari.

Ngelansa aum ti diatur, Kui Hian madahka, Aum Tiga Taun Sekali SUPP bejalika ubah ti manah dalam nentuka chairman enggau sekretari bagi 50 buah pampang parti nya di serata Sarawak.

Iya madahka ubah tu diatur begulai entara nembiak baru enggau raban veteran.

“Bisi 23 chairman tauka sekretari ti baru dipilih, tujuh penuduk nerima chairman enggau sekretari ti baru iya nya di Bau, Engkilili, Mambong, Pantu, Serembu, Tanjong Datu enggau Tatau.

“Empat chiarman baru di Saribas, Sebuyau, Bintangor enggau Dalat, ke alai 12 sekretari baru dipilih ba Satok, Serian, Simmangang, Tupong, Bawang Assan, Julau, Mukah, Saratok, Song, Bintulu, Lambir enggau Tatau,” ku iya.

BERITA LAIN

Nempa Sarawak nyadi tibang pemakai

TUSUN KETERUBAH MINAT Reynold anak Jacktola, 29, ti rindu agi dikangau Nol ba pengawa betanam betupi nya endang dikembuan iya ari mit laban iya datai

Tebing Sungai Saratok deka diseleti meruan

SARATOK: Perintah Sarawak deka nyeleti pengkalan ba seberai Pasar Saratok enggau jematan dikena ngelayang Sungai Paon. Kaban Kunsil Nengeri (ADUN) Kalaka, Mohamad Duri madah, sepenyampau

BERITA TERBARU