SUPP ungkup semua bansa

KUCHING: Presiden Sa’ati Rayat Sarawak (SUPP) Datuk Sri Prof Sim Kui Hian madah parti SUPP ukai parti ungkup bansa China aja, tang ungkup semua pupu bansa di menua tu.

“Ngambika menua Sarawak terus mansang, kitai patut sama seati lalu anang pambar,” ku iya.

Iya bejaku munyi nya ba Program Ngelancharka Opis Baru SUPP Pampang Stakan ditu, pagi tadi.

Kui Hian madahka, iya gaga meda sukung ari pampang bukai ba baruh payung GPS sama datai ngulu pengawa nya pagi.

“Kita bisi datai ari pampang Parti Pesaka Bumiputera Bersatu (PBB) Satok, SUPP Mambong, Sebuyau, Batu Kawa, Kuching, Lundu enggau ke bukai mandangka kitai sama saum ati.

“Taun 2020 tu nyadi singkang kaki kitai keterubah nuju ngagai 2030 ke alai menua Sarawak deka mujur nyema kitai agi sama ngetanka penyerakup tu,” ku iya.

Nangkan nya, dia iya ngenang pemidang Pehin Sri Datuk Amar Adenan Satem (Tok Nan) ti manggai tiga taun ensana.

“Tok Nan kala bepesan ngagai kitai rayat Sarawak ngambika ‘nyaga Sarawak enggau manah’.
Berita penuh dalam Suara Sarawak pagila.

Suara Sarawak