KUCHING: Pengawa rejister surat tanah Sarawak ba timpuh sehari ti udah dikereja ari taun 2009 suba nyadi sekeda pekara ti dibantai Sapit Premier Sarawak, Datuk Amar Awang Tengah Ali Hasan ba Aum Kaunsil Tanah Menua Ke-80, kemari.
Tambah mega ku iya, ba taun 2019, Opis Tanah enggau Survei (JTS) Sarawak belabuh rejister surat tanah ba hari ti sama, lalu nya siti chara muntang meri servis ngagai rayat.
Kelimpah ari nya, Awang Tengah mega madah ke pasal pemujur sistem LASIS ulih JTS ti ulih mai opis tanah ngagai tiap iti rumah nengah sistem tali arus.
Aum nya diatur ba Putrajaya lalu diuluka Menteri Besai, Datuk Seri Anwar Ibrahim ti mega digulu Menteri Besai enggau bala pegawai tinggi nengeri ari serata menua.
Ba aum nya, sekeda pekara bekaul isu atur perintah bisi dipejurai.
