Swady berengkah gawa pagi tadi

KUCHING: Direktor Opis Pemadah Malaysia (Japen) Sarawak ti baru, Swady Guliling udah ngepunka pangku pengawa ba opis iya tadi.

Pengudah ngepunka pangku pengawa diri, Swady lalu ngatur randau enggau mai bala pemesai veteran opis nya baum.

Nitihka penerang, batang tuju aum nya dikena berandauka kuing pengawa Japen kelebih agi ba servis ngenataika penerang ngagai renggat baruh.

Tu nyengkaum berandauka pangku pengawa dipejalai sida dikena ngenegapka agi sistem ngenataika penerang betul enggau patut ngagai rayat.

Lebuh baum, Swady madahka pemesai guna ngempung penemu nengah aum ti diatur nentuka pemujur pengawa ti begunaka kerejasama rat ari semua piak kelebih agi gawaka rayat.

Swady nyilih penuduk Abang Sardon Abang Hashim ti udah belidar gawa nyadi Sekretari Bagi Pekara Komunikasi Strategik ba Opis Menteri Komunikasyen enggau Multimedia Malaysia (KKMM).

Sama datai baum Sapit Direktor Pemadah Sarawak, Aziz Abdul Rahman sereta bala pemesai veteran bukai.

Suara Sarawak